ରାଇରଙ୍ଗପୁର: ଅବ୍ୟବସ୍ଥା ଘେରରେ ଅସ୍ଥାୟୀ ସଙ୍ଗରୋଧ କେନ୍ଦ୍ର। ପ୍ରବାସୀ ଓଡ଼ିଆ ଶ୍ରମିକଙ୍କୁ ସଙ୍ଗରୋଧ କେନ୍ଦ୍ରରେ ମିଳୁନାହିଁ କୌଣସି ସୁବିଧା। ମୟୂରଭଞ୍ଜ ଜିଲ୍ଲା କୁସୁମୀ ବ୍ଲକ ଅନ୍ତର୍ଗତ ବାଦାମପାହାଡସ୍ଥିତ ଅସ୍ଥାୟୀ ସଙ୍ଗରୋଧ କେନ୍ଦ୍ରରୁ ଏଭଳି ଅଭିଯୋଗ ଆସିଛି ।
ସୂଚନା ଅନୁଯାୟୀ, କର୍ଣ୍ଣାଟକ ରାଜ୍ୟରୁ ୯ ଜଣ ପ୍ରବାସୀ ଶ୍ରମିକ ନିଜ ଖର୍ଚ୍ଚରେ ଏକ ବସ ଯୋଗେ ବାଦାମପାହାଡ ପହଞ୍ଚି ଥିଲେ। ଏହାପରେ ସ୍ଥାନୀୟ ପ୍ରଶାସନ ସେମାନଙ୍କୁ ବାଦାମପାହାଡସ୍ଥିତ ଅସ୍ଥାୟୀ ସଙ୍ଗରୋଧ କେନ୍ଦ୍ରରେ ରଖିଥିଲା । କିନ୍ତୁ ସେଠାରେ ପରିଷ୍କାର ପରିଚ୍ଛନ୍ନତା ନଥିବା ସହିତ ସଠିକ ସମୟରେ ଖାଦ୍ୟ ଯୋଗାଉ ନଥିବା ପ୍ରବାସୀ ଶ୍ରମିକମାନେ ଅଭିଯୋଗ କରିଛନ୍ତି । ସେପଟେ ବାଲଟି, ମଗ, ସାନିଟାଇଜର, ସାବୁନ, କଲଗେଟ ଆଦି ସାଧାରଣ ଆସବାବପତ୍ର ମଧ୍ୟ ସେମାନଙ୍କୁ ମିଳୁନାହିଁ । ଶୌଚାଳୟ ଅବସ୍ଥା ମଧ୍ୟ ଅତ୍ୟନ୍ତ ଦୟନୀୟ। ଗୋଟିଏ ଶୌଚାଳୟକୁ ଉଭୟ ପୁରୁଷ ଓ ମହିଳା ବ୍ୟବହାର କରୁଛନ୍ତି ।
ଅବ୍ୟବସ୍ଥା ଘେରରେ ମୟୂରଭଞ୍ଜର ଅସ୍ଥାୟୀ ସଙ୍ଗରୋଧ କେନ୍ଦ୍ର