ବାରିପଦା: ମୟୁରଭଞ୍ଜ ଜିଲ୍ଲା ବାରିପଦା ଛଉ ପଡ଼ିଆରେ ଗଣବିବାହ । ତ୍ରିବେଣୀ ଯୁବ କଲ୍ୟାଣ ସଂଗଠନ ପକ୍ଷରୁ ୧୧ଯୋଡ଼ା ବରକନ୍ୟାକୁ ନେଇ ଛଉ ପଡିଆରେ ଗଣବିବାହ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି ।
ବାରିପଦା ଛଉ ପଡ଼ିଆରେ ଗଣବିବାହ
ତ୍ରିବେଣୀ ଯୁବ କଲ୍ୟାଣ ସଙ୍ଗଠନ ତରଫରୁ ବାରିପଦା ଛଉପଡିଆ ଠାରେ ଗଣବିବାହ ଉତ୍ସବ ଅନୁଷ୍ଠିତ ହୋଇଯାଇଛି ।ଏହି ଗଣବିବାହ କାର୍ଯ୍ୟକ୍ରମରେ ଗରିବ ତଥା ଅସହାୟ ଜନସାଧାରଣଙ୍କର ସହାୟତା ନିମନ୍ତେ ଏଗାର ଯୋଡା ସାମାଜିକ ଓ ଆର୍ଥିକ ଅନଗ୍ରସର ଵର୍ଗର ବର ଓ କନ୍ୟାର ବିବାହ ସଙ୍ଗଠନ ତରଫରୁ ବିନା ମୂଲ୍ୟରେ ସମ୍ପନ୍ନ କରାଯାଇଥିଲା ।ତେବେ ଏହି ଅନୁଷ୍ଠାନ ତରଫରୁ ଏଯାବତ୍ ଓଡିଶା,ପଶ୍ଚିମବଙ୍ଗ ଓ ଝାଡଖଣ୍ଡର ୧୧୩୯ ଯୋଡ଼ା ବରକନ୍ୟାଙ୍କ ବିବାହ କାର୍ଯ୍ୟ ସମ୍ପନ୍ନ କରାଯାଇଛି। ଏଠାରେ ସମସ୍ତ ବରକନ୍ୟାମାନଙ୍କ ପାଇଁ ଅଲଗା ଅଲଗା ବେଦି ପ୍ରସ୍ତୁତ କରାଯାଇଥିଲା ।