ବାରିପଦା: ମୟୂରଭଞ୍ଜ ମାଟିର ପୁଣି ଜଣେ ବୀର ଯବାନ ଦେଶମାତୃକାର ସୁରକ୍ଷା ପାଇଁ ନିଜ ପ୍ରାଣର ବଳିଦାନ ଦେଇଛନ୍ତି । କଳାହାଣ୍ଡି-କନ୍ଧମାଳ ସୀମାନ୍ତରେ ପୋଲିସ ଓ ମାଓବାଦୀଙ୍କ ମଧ୍ୟରେ ହୋଇଥିବା ଗୁଳି ବିନିମୟରେ ଦୁଇ ଏସଓଜି ଯବାନ ଶହୀଦ ହୋଇଛନ୍ତି । ଦୁଇ ଶହୀଦ ଏସଓଜି ଯବାନଙ୍କ ମଧ୍ୟରୁ ଜଣେ ହେଲେ ଜିଲ୍ଲାର ଶୁଳିଆପଦା ଥାନା ଅନ୍ତର୍ଗତ ବାଘଡ଼ା ପଞ୍ଚାୟତ ସାନ ଭଦୁଆଶୋଳ ଗ୍ରାମର ସୁଧୀର କୁମାର ଟୁଡୁ ।
ରିଜର୍ଭ ଫାଷ୍ଟ ବାଟାଲିୟନରେ କାର୍ଯ୍ୟରତ ଥିବା ୨୮ବର୍ଷୀୟ ଯବାନ ସୁଧୀରଙ୍କ ଘରେ ମାଆ ଯମୁନା ଟୁଡୁ(୫୫) ଓ ଜଣେ ସାନଭାଇ ସୁନାରାମ ଅଛନ୍ତି । ପୂର୍ବରୁ ତାଙ୍କ ବାପାଙ୍କ ପରଲୋକ ହୋଇସାରିଛି । ୨୦୧୩ରେ ସୁଧୀର ପ୍ରଥମେ କୋରାପୁଟ ଓ ପରେ କଳାହାଣ୍ଡି ଜିଲ୍ଲାରେ କାର୍ଯ୍ୟ କରୁଥିଲେ । ୬ ମାସ ପୂର୍ବେ କଳାହାଣ୍ଡି ଜିଲ୍ଲାରେ ମାଓବାଦୀ ଅପରେଶନରେ ସାମିଲ ହୋଇଥିଲେ । ବୁଧବାର କଳାହାଣ୍ଡି-କନ୍ଧମାଳ ସୀମାନ୍ତ ରାମପୁର ଥାନା ସିର୍ଜି ଜଙ୍ଗଲରେ ଅପରେଶନ ସମୟରେ ସେ ମାଓବାଦୀଙ୍କ ଗୁଳିର ଶିକାର ହୋଇଥିଲେ ।
ମାଓବାଦୀଙ୍କ ଗୁଳିରେ ଏସଓଜି ଯବାନ ଶହୀଦ ଘଟଣା, କାଲି ଜନ୍ମମାଟିରେ ପହଞ୍ଚିବ ମରଶରୀର