ରାଇରଙ୍ଗପୁର: ନିଆଁରେ ପୋଡି ହୋଇ ମହିଳାଙ୍କ ମୃତ୍ୟୁ। ମୟୂରଭଞ୍ଜ ଜିଲ୍ଲା ରାଇରଙ୍ଗପୁର ଗ୍ରାମାଞ୍ଚଳ ଥାନା ଅଧୀନସ୍ଥ ହାଟବାଦଡା ଅଞ୍ଚଳରେ ଏହି ଅଘଟଣ ଘଟିଛି। ମହିଳା ନିଜେ କିରୋସିନ ଢାଳି ଆତ୍ମହତ୍ୟା କରିଥିବା ପରିବାର ଲୋକେ କହିଛନ୍ତି ।
ନିଆଁରେ ପୋଡି ମହିଳାଙ୍କ ଶୋଚନୀୟ ମୃତ୍ୟୁ, ହତ୍ୟା ସନ୍ଦେହ
ସୂଚନା ଅନୁସାରେ ଦୀର୍ଘ ୧୧ ବର୍ଷ ପୂର୍ବେ ପଡୋଶୀ ରାଜ୍ୟ ଝାଡ଼ଖଣ୍ଡରୁ ପଦ୍ମିନୀ ସାହୁକୁ ହାଟବାଦଡା ଅଞ୍ଚଳର ଚନ୍ଦନ ସାହୁ ବୈଦିକ ରୀତିରେ ବିବାହ କରିଥିଲେ। ବିବାହ ପରଠାରୁ ପାରିବାରିକ କଳହ ଲାଗି ରହିଥିଲା। ଘରେ ଗୋଟିଏ ପୁଅ ଓ ଗୋଟିଏ ଝିଅ ଅଛନ୍ତି। ସୋମବାର ଘରେ ପାଟିତୁଣ୍ଡ ହୋଇଥିଲା। ମୃତ ମହିଳାଙ୍କ ସ୍ବାମୀ ଦୋକାନ ସଉଦା କିଣିବାକୁ ଟାଟା ଯାଇଥିବା ସମୟରେ ଏହାର ସୁଯୋଗ ନେଇ ମଙ୍ଗଳବାର ସନ୍ଧ୍ୟା ସମୟରେ ଗାଧୁଆ ଘରେ ନିଜ ଦେହରେ କିରୋସିନ ଢାଳି ଜଳି ପୋଡ଼ି ଯାଇଥିବା ପରିବାର ଲୋକେ କହିଛନ୍ତି ।