ବାରିପଦା: ମୟୂରଭଞ୍ଜରେ ବସ ଦୁର୍ଘଟଣା । ମୟୂରଭଞ୍ଜ ଜିଲ୍ଲା ଦେଇଯାଇଥିବା ୧୮ ନମ୍ବର ଜାତୀୟ ରାଜପଥ ନିକଟରେ ଭୁବନେଶ୍ବରରୁ ବାରିପଦା ଆସୁଥିବା ସୋନାଚାନ୍ଦି ବସ ଦୁର୍ଘଟଣା ହୋଇଛି । ଫଳରେ ୧୦ରୁ ଊର୍ଦ୍ଧ୍ବ ଯାତ୍ରୀ ଆହତ ହୋଇଛନ୍ତି । ଚଳନ୍ତା ଗାଡିରୁ ଚକ ବାହାରିଯିବା ଫଳରେ ଏହି ଦୁର୍ଘଟଣା ଘଟିଛି ।
ସୂଚନାଅନୁସାରେ, ଗତକାଲି ରାତିରେ ମୟୂରଭଞ୍ଜ ଜିଲ୍ଲା ଦେଇଯାଇଥିବା ୧୮ ନମ୍ବର ଜାତୀୟ ରାଜପଥ କୃଷ୍ଣଚନ୍ଦ୍ରପୁର ଓଭର ବ୍ରିଜରେ ଭୁବନେଶ୍ୱରରୁ ବାରିପଦା ଆସୁଥିବା ବେଳେ ସୋନାଚାନ୍ଦୀ ବସର ଚକା ବାହାରି ଯିବାରୁ ୧୦ରୁ ଊର୍ଦ୍ଧ୍ବ ଯାତ୍ରୀ ଆହତ ହୋଇଛନ୍ତି । ତେବେ ବସଟି ଅଳ୍ପକେ ଓଭର ବ୍ରିଜ ତଳକୁ ଖସିବାରୁ ବର୍ତ୍ତି ଯାଇଛି । ଦୁର୍ଘଟଣା ପରେ ଆହତ ଯାତ୍ରୀ ମାନଙ୍କୁ ବାରିପଦା ବଡ଼ ମେଡିକାଲରେ ଚିକିତ୍ସା ପାଇଁ ଭର୍ତ୍ତି କରାଯାଇଛି । ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ।
ମୟୂରଭଞ୍ଜରୁ ମୃତ୍ୟୁଞ୍ଜୟ ସେନାପତି, ଇଟିଭି ଭାରତ
