ରାଇରଙ୍ଗପୁର: ମହୁମାଛି ଆକ୍ରମଣରେ ଯୁବକ ଗୁରୁତର ହୋଇଥିବା ସୂଚନା । ଘଟଣାଟି ହେଉଛି ବାଦାମପାହାଡ଼ ଥାନା ଅଧୀନସ୍ଥ କାଶିଆବେଡା ଗ୍ରାମର । ମହୁମାଛି ଆକ୍ରମଣରେ ଗୁରୁତର ହୋଇଥିବା ଯୁବକ ଜଣକ ହେଉଛନ୍ତି ସମ୍ପୃକ୍ତ ଗ୍ରାମର ଶ୍ରୀକାନ୍ତ ମହାନ୍ତଙ୍କ ପୁଅ କାଳି ଚରଣ ମହାନ୍ତ।
ଭିଡିଓ ସୌଜନ୍ୟ: ପ୍ରତିନିଧି, ରାଇରଙ୍ଗପୁର
ସୂଚନା ଅନୁଯାୟୀ ଘରେ କାଳି ଗୃହପାଳିତ ଛେଳି ପାଇଁ ପତ୍ର ସଂଗ୍ରହ କରିବା ପାଇଁ ଯାଇଥିଲେ। ହେଲେ ପତ୍ର ସଂଗ୍ରହ କରୁଥିବା ସମୟରେ ସେଠାରେ ବସା ବାନ୍ଧି ଥିବା ମହୁମାଛି ତାଙ୍କୁ ଆକ୍ରମଣ କରିଥିଲେ। କାଳିଙ୍କର ମୁହଁ, ହାତ ଓ ଗୋଡରେ ମହୁମାଛି ଆକ୍ରମଣ କରିବାରୁ ସେ ଚେତାଶୂନ୍ୟ ହୋଇ ପଡି ଯାଇଥିଲେ।