ରାଇରଙ୍ଗପୁର: ମୟୂରଭଞ୍ଜରେ ବିଭତ୍ସ ହତ୍ୟା । ଭିନ୍ନକ୍ଷମ ନାବାଳିକାଙ୍କୁ ପନିକିରେ ଗଳାକାଟି ହତ୍ୟା । ରାଇରଙ୍ଗପୁର ଉପଖଣ୍ଡ ଗୋରୁମହିଷାଣୀ ଥାନା ଅନ୍ତର୍ଗତ ସରଗଡା ନିକଟସ୍ଥ ସାରଣ୍ଡା ଗ୍ରାମରେ ଏଭଳି ଏକ ଅମାନବୀୟ ଘଟଣା ଘଟିଛି । ହତ୍ୟାକାଣ୍ଡର କାରଣ ଅସ୍ପଷ୍ଟ ରହିିଥିବା ବେଳେ ଗୋରୁମହିଷାଣୀ ଥାନା ପୋଲିସ ଅଭିଯୁକ୍ତକୁ ଥାନାରେ ଅଟକ ରଖି ଘଟଣାର ତଦନ୍ତ କରୁଛି ।
ଏହା ମଧ୍ୟ ପଢ଼ନ୍ତୁ:କଳହ ଆଗରେ ଫିକା ପଡିଲା ରକ୍ତ ସମ୍ପର୍କ, ଶୋଇଥିବା ସ୍ତ୍ରୀ ଓ ପୁଅକୁ ତଣ୍ଟି ଚିପି ହତ୍ୟା କଲା ସ୍ବାମୀ
ସୂଚନା ଅନୁଯାୟୀ, ସାରଣ୍ଡା ଗ୍ରାମର କୃଷ୍ଣଚନ୍ଦ୍ର ଗିରି ତାଙ୍କର ୧୪ ବର୍ଷୀୟ ଭିନ୍ନକ୍ଷମ ନାବାଳିକା ଝିଅ ଲିପି ଗିରି ସହ ରହୁଥିଲେ । ସେ ଆଜି କାମ କରିବାକୁ ଧାନ ବିଲକୁ ଯାଇଥିଲୋ । ଘରେ ଝିଅକୁ ଏକୁଟିଆ ଛାଡ଼ି କାମକୁ ଯାଇଥିଲେ କୃଷ୍ଣଚନ୍ଦ୍ର । ଘରେ କେହି ନଥିବାର ସୁଯୋଗ ନେଇ ସାରଣ୍ଡା ଗ୍ରାମର ରେପୋ ମୁର୍ମୁ ଦିନ ପ୍ରାୟ ୧୦ଟା ସମୟରେ ଏକ ଧାରୁଆ ପନିକି ନେଇ କୃଷ୍ଣଙ୍କ ଘରକୁ ପଶିଥିଲା । ଏହାପରେ ଅତି ଅମାନୁଷିକ ଭାବେ କୃଷ୍ଣଚନ୍ଦ୍ର ଗିରିଙ୍କ ଭିନ୍ନକ୍ଷମ ଝିଅକୁ ଆକ୍ରମଣ କରିଥିଲା । ଧାରୁଆ ପନିକିରେ ଲିପିଙ୍କ ଗଳାକାଟି ଦେଇ ଫେରାର ମାରିଥିଲା ଅଭିଯୁକ୍ତ । ତେବେ ଘଟଣାସ୍ଥଳରେ ହିଁ ଲିପିର ମୃତ୍ୟୁ ଘଟିଥିବା ସୂଚନା ମିଳିଛି ।