ମୟୁରଭଞ୍ଜ: ଆଜି ଦୁର୍ଗତିନାଶିନୀ ମା' ଦୂର୍ଗାଙ୍କ ମହାଷ୍ଟମୀ ପୂଜା । ସାରାଦେଶରେ ମା' ଦୂର୍ଗାଙ୍କ ପୂଜା ପାଳନ ହେଉଥିବାବେଳେ ମୟୁରଭଞ୍ଜ ଜିଲ୍ଲାରେ ମଧ୍ୟ ବେଶ ଧୁମଧାମରେ ପାଳିତ ହୋଇଛି ମା' ଦୂର୍ଗାଙ୍କ ମହାଷ୍ଟମୀ ପୂଜା । ଜିଲ୍ଲାର ମୋରଡ଼ା ବ୍ଲକ ଚିତ୍ରଡା ଠାରେ ଏବର୍ଷ ଧଉଳିର ଶାନ୍ତିସ୍ତୁପ ତୋରଣ ଶ୍ରଦ୍ଧାଳୁଙ୍କ ମନମୋହୁଛି ।
ଲୋକଙ୍କ ମନମୋହୁଛି ଶାନ୍ତିସ୍ତୁପ ତୋରଣ
ମୟୁରଭଞ୍ଜ ସଦର ମହକୁମା ବାରିପଦା ସହରରେ 26ଟି ସ୍ଥାନରେ ଦୂର୍ଗାପୂଜା ହେଉଥିବା ବେଳେ ଜିଲ୍ଲାର କରଞ୍ଜିଆ, ରାଇରଙ୍ଗପୁର, ଉଦଳା ଉପଖଣ୍ଡ ସହ ଜିଲ୍ଲାରେ ମୋଟ 178ଟି ସ୍ଥାନରେ ଦେବୀଙ୍କ ମହାଷ୍ଟମୀ ପୂଜା ପାଳିତ ହୋଇଛି । ଏହି ପାର୍ବଣ ଋତୁରେ ଧରାଧାମରେ ବିଜେ କରିଛନ୍ତି ମା ଦଶଭୁଜା । ମାଆଙ୍କର ଆର୍ଶୀବାଦ ପାଇବା ପାଇଁ ଓ ନିଜନିଜର ମନସ୍କାମନା ପୂରଣ କରିବା ପାଇଁ ଶ୍ରଦ୍ଧାଳୁମାନେ ଅତି ଉତ୍କଣ୍ଠାର ସହ ବିଭିନ୍ନ ପୂଜା ମଣ୍ଡପରେ ଭିଡ ଲଗାଇଛନ୍ତି ।