ରାଇରଙ୍ଗପୁର: ଜଗତଜନନୀ ମା' ଦୁର୍ଗାଙ୍କ ମହାନବମୀ ପୂଜା । ସକାଳୁ ସୂର୍ଯ୍ୟ ଦେବତାଙ୍କ ପୂଜାର୍ଚ୍ଚନା କରାଯାଇ ସହରର ବିଭିନ୍ନ ପୂଜା ମଣ୍ଡପରେ ମହାନବମୀ ପୂଜା ଅନୁଷ୍ଠିତ ହୋଇଯାଇଛି ।
ଫଟୋ ସୌଜନ୍ୟ: ପ୍ରତିନିଧି, ରାଇରଙ୍ଗପୁର
ସହରରେ ପ୍ରବଳ ବର୍ଷା ହେବା ସତ୍ତ୍ବେ ପୂଜା ମଣ୍ଡପ ଗୁଡିକରେ ପ୍ରବଳ ଭିଡ଼ ପରିଲକ୍ଷିତ ହୋଇଥିଲା । ଶ୍ରଦ୍ଧାଳୁ ମାନେ ମା'ଙ୍କ ପୂଜାର୍ଚ୍ଚନା କରିଥିବାର ଦେଖିବାକୁ ମିଳିଛି । ମହାନବମୀର ପୂଜା, ହୋମ, ଯଜ୍ଞ, ପୁଷ୍ପାଞ୍ଜଳି ପ୍ରକ୍ରିୟା ସମ୍ପନ୍ନ ପରେ ଆରମ୍ଭ ହୋଇଥିଲା କୁଆଁରୀ ପୂଜା । କୁଆଁରୀ କନ୍ୟାମାନଙ୍କୁ ଗୋଡ଼ ଧୋଇବା ପରେ ସଜ୍ଜେଇ ଦିଆଯାଇଥିଲା । ପରେ ସେମାନଙ୍କୁ ପୂଜାର୍ଚ୍ଚନା କରାଯାଇ ଅନ୍ନଭୋଗ ପରସା ଯାଇଥିଲା । ବେଶ ଆନନ୍ଦ ସହକାରେ କୁଆଁରୀ କନ୍ୟାମାନେ ଅନ୍ନଭୋଗ ଗ୍ରହଣ କରିଥିଲେ । ସତେଯେମିତି ଭକ୍ତ ଓ ଭଗବାନଙ୍କ ଅପୂର୍ବ ମିଳନ ଦେଖିବାକୁ ମିଳିଥିଲା ।