ବାରିପଦା: ଏଣିକି ପେନ ଫୋପାଡିଲେ ସୃଷ୍ଟି ହେବ ଗଛ । କାରଣ ପେନ କାଗଜରେ ତିଆରି ହୋଇଥିବା ସହ ଏଥିରେ ବିଭିନ୍ନ ପ୍ରକାରର ଫଳ, ଫୁଲ ଆଉ ଗଛର ମଞ୍ଜି ଦିଆଯାଉଛି । ଏପରି ଏକ ପ୍ରୟାସ କରିଛନ୍ତି ବାରିପଦାର ଲଲାଟେନ୍ଦୁ ପରିଡା ।
ପରିବେଶ ପାଇଁ ପେପର ପେନ, ଫୋପାଡିଲେ ହେଉଛି ଗଛ...
ବାରିପଦା ସହର ପାଲବଣି ସ୍ଥିତ ଦେବେନ୍ଦ୍ରପୁର ଅଞ୍ଚଳର ଲଲାଟେନ୍ଦୁ ପରିଡା । ୨୦୧୭ ମସିହାରୁ ଚାକିରୀ ଛାଡି ସ୍ମୃତି ଏଣ୍ଟରପ୍ରାଇଜେସ ନାମରେ ଏକ ସଂସ୍ଥା ଆରମ୍ଭ କରିଛନ୍ତି । ଏହି ସଂସ୍ଥା ମାଧ୍ୟମରେ କାଗଜ, ନ୍ୟୁଜ ପେପରକୁ ସଂଗ୍ରହ କରି ସେଥିରୁ ତିଆରି କରୁଛନ୍ତି ପେନ ଆଉ ପେନସିଲ। ପେନ ଆଉ ପେନସିଲ ତିଆରି ସମୟରେ ଦିଆଯାଉଛି ବିଭିନ୍ନ ପ୍ରକାରର ଫଳ, ଫୁଲ ଆଉ ଗଛର ମଞ୍ଜି। ପେନ ବ୍ୟବହାର ପରେ ଫୋପାଡି ଦେଲେ ଏହା ବତୁରିବା ସହ ଏଥିରୁ ବିଭିନ୍ନ ଗଛ ହେବ ବୋଲି କୁହାଯାଉଛି ।