ବାରିପଦା: ମଙ୍ଗଳବାର ବିଳମ୍ବିତ ରାତିରେ ମୟୁରଭଞ୍ଜ ଜିଲ୍ଲା କରଞ୍ଜିଆ ଥାନା ଅନ୍ତର୍ଗତ କରଞ୍ଜିଆ ମଣ୍ଡୁଆ, ଏବଂ କରଡ଼ିଆ ନିକଟରେ ଦୁଇଟି ଟ୍ରକଭର୍ତ୍ତି ଗୋ ଚାଲାଣ ହେଉଥିବା ବେଳେ କରଞ୍ଜିଆ ପୋଲିସ ପେଟ୍ରୋଲିଂ ସମୟରେ ଜବତ ହୋଇଛି । କରଞ୍ଜିଆ ପୋଲିସ କୌଣସି ସୂତ୍ରରୁ ଖବର ପାଇ ଦୁଇଟି ଟ୍ରକ ଜବତ କରିଥିବା ବେଳେ ଅନ୍ୟ ଏକ ଟ୍ରକ ଖସି ଯାଇଥିବା ଜଣାପଡ଼ିଛି ।
ପୋଲିସ ଦୁଇଟି ବେଆଇନ ଭାବେ ଗୋ ଚାଲାଣ ହେଉଥିବା ଟ୍ରକକୁ ଜବତ କରିବା ସହିତ ଟ୍ରକରେ ଥିବା ୮୪ ଟି ବଳଦ ସହିତ ୬ଜଣଙ୍କୁ ଥାନାରେ ଅଟକ ରଖି ଅଧିକ ତଦନ୍ତ କରୁଛି । ସେହିପରି ନିଜର କର୍ତ୍ତବ୍ୟ ସମ୍ପାଦନ ଠିକ ଭାବରେ କରିଥିବାରୁ କରଞ୍ଜିଆ ଥାନାର ଦୁଇ ଜଣ ସବଇନ୍ସପେକ୍ଟରଙ୍କୁ କରଞ୍ଜିଆବାସୀ ପ୍ରଶଂସା କରିଛନ୍ତି ।
ତେବେ ଏପରି ଅମାନବୀୟ ଭାବରେ ଚୋରା ଗୋ ଚାଲାଣ କରୁଥିବା ଗୋ ମାଫିଆଙ୍କ ବିରୁଦ୍ଧରେ ଦୃଢ଼ କାର୍ଯ୍ୟାନୁଷ୍ଠାନ ନେବା ପାଇଁ ମଧ୍ୟ ସାଧାରଣରେ ଦାବି ଜୋର ଧରିଛି ।
ମୟୁରଭଞ୍ଜରୁ ମୃତ୍ୟୁଞ୍ଜୟ ସେନାପତି ଇଟିଭି ଭାରତ
