ରାଇରଙ୍ଗପୁର: ଆପଣ ସବୁବେଳେ ଆସି ଆମକୁ ହଇରାଣ କରୁଛନ୍ତି । ବିନା ଅନୁମତିରେ ବାଇଟ୍ ନେଉଛନ୍ତି, ଫଟୋ ଉଠାଉଛନ୍ତି । ଏପରି କହି ଗଣମାଧ୍ୟମ ପ୍ରତିନିଧିଙ୍କ ଉପରେ ବର୍ଷିଛନ୍ତି କରଞ୍ଜିଆ ଉପଖଣ୍ଡ ଚିକିତ୍ସାଳୟର ଏସଡିଏମଓ କ୍ଷେତ୍ରବାସୀ ଦାସ । ତାଙ୍କ ବିରୋଧରେ ଆସୁଥିବା ଅନେକ ଅଭିଯୋଗ ସମ୍ପର୍କରେ ତାଙ୍କ ମତାମତ ନେବାକୁ ଗଣମାଧ୍ୟମ ପ୍ରତିନିଧି ଯାଇଥିବାବେଳେ ଏପରି ଭାବେ ପ୍ରତିକ୍ରିୟା ରଖିଛନ୍ତି ସେ ।
ଭିଡିଓ ସୌଜନ୍ୟ: ପ୍ରତିନିଧି, ରାଇରଙ୍ଗପୁର
ତେବେ ଗତ କିଛି ଦିନ ହେବ ଚିକିତ୍ସାଳୟର ବିଭିନ୍ନ ସମସ୍ୟା ସମ୍ପର୍କରେ ଗଣମାଧ୍ୟମରେ ଖବର ପ୍ରକାଶ ପାଇବା ପରେ ଜିଲ୍ଲାପାଳ ମେଡିକାଲ ପରିଦର୍ଶନ କରିବା ସହ ଏସଡିଏମଓଙ୍କୁ ଏଥିପ୍ରତି ଦୃଷ୍ଟି ଦେବାକୁ କହିଥିଲେ । ହେଲେ ଚିକିତ୍ସାଳୟର ସମସ୍ୟା ଦିନକୁ ଦିନ ବଢିବା ସହ ଲୋକଙ୍କ ଅଭିଯୋଗ ଅଧିକ ହୋଇଥିଲା । ଯାହାକୁ ନେଇ ଏସଡିଏମଓ ପ୍ରତିକ୍ରିୟା ଲୋଡିଥିଲେ ଗଣମାଧ୍ୟମ ପ୍ରତିନିଧି । ଏହାକୁ ନେଇ ସେ ରାଗି ଯିବା ସହ ଗଣମାଧ୍ୟମ ପ୍ରତିନିଧିଙ୍କୁ ଖରାପ ବ୍ୟବହାର କରିବାକୁ ମଧ୍ୟ ପଛାଇ ନଥିଲେ।