ରାଇରଙ୍ଗପୁର ବନଖଣ୍ଡ ଅଞ୍ଚଳରେ ଝାଡ଼ଖଣ୍ଡି ହାତୀପଲଙ୍କ ଆତଙ୍କ

ରାଇରଙ୍ଗପୁର ବନଖଣ୍ଡ ଅଧିନସ୍ଥ ଅଞ୍ଚଳରେ ଝାଡଖଣ୍ଡ ହାତୀପଲଙ୍କ ଆତଙ୍କ । ହାତୀ ଘଉଡାଇବାକୁ ବନ ବିଭାଗର ତିନୋଟି ଟିମଙ୍କ ପ୍ରୟାସ ଜାରି । ଅଧିକ ପଢନ୍ତୁ...

ରାଇରଙ୍ଗପୁର: ମୟୂରଭଞ୍ଜ ରାଇରଙ୍ଗପୁର ବନଖଣ୍ଡ ଅଧିନସ୍ଥ ଅଞ୍ଚଳରେ ଝାଡଖଣ୍ଡି ହାତୀପଲଙ୍କ ଆତଙ୍କ । ବନଖଣ୍ଡ ଅଧୀନସ୍ଥ ବିଶୋଇ ଓ ମଣଦା ରେଞ୍ଜରେ 40 ଟିକିଆ ଝାଡଖଣ୍ଡି ହାତୀପଲଙ୍କ ଉପଦ୍ରବ ଜାରି ରହିଛି । ଏହି ରେଞ୍ଜ ନିକଟସ୍ଥ ଅଞ୍ଚଳରେ ଏକର ଏକର ଜମିରେ ହାତୀପଲ ପାଚିଲା ଧାନ ଫସଲ ଖାଇଯିବା ସହ ଦଳିଚକଟି ନଷ୍ଟ କରିଥିବା ସୂଚନା ଦେଇଛି ବନ ବିଭାଗ । ଖବର ପାଇ ବନ ବିଭାଗର 3ଟି ଟିମ ହାତୀ ଘଉଡାଇବା କାର୍ଯ୍ୟରେ ନିୟୋଜିତ ଅଛନ୍ତି ।

ବର୍ତ୍ତମାନ ହାତୀପଲ ଝାରଗାଡି ଜଙ୍ଗଲରେ ଲୁଚି ରହିଥିବାବେଳେ ସନ୍ଧ୍ୟା ସୁଦ୍ଧା ହାତୀପଲଙ୍କୁ ଝାଡଖଣ୍ଡ ଆଡକୁ ଘଉଡାଇ ଦିଆଯିବ ବୋଲି ବନ ବିଭାଗ ଏସିଏଫ ସୂଚନା ଦେଇଛନ୍ତି । ଅନ୍ୟପଟେ ଏନେଇ ସ୍ଥାନୀୟ ଅଞ୍ଚଳ ବାସିନ୍ଦା ଆତଙ୍କିତ ଅଛନ୍ତି ।

ରାଇରଙ୍ଗପୁରରୁ ସଞ୍ଜୟ କୁମାର ପରିଡା, ଇଟିଭି ଭାରତ