ବାରିପଦା: ବିଜେପି ପକ୍ଷରୁ ନାଗରିକତା ସଂଶୋଧନ ଆଇନ ସପକ୍ଷରେ ବିଶାଳ ଜନଜାଗରଣ ପଦଯାତ୍ରା ଅନୁଷ୍ଠିତ ହୋଇଛି । ଏଥିରେ ରାଜ୍ୟ ବିଜେପି ସଭାପତି ସମୀର ମହାନ୍ତି ଯୋଗ ଦେଇଥିଲେ ।
ବିଜେପିର ଜନଜାଗରଣ ପଦଯାତ୍ରା
ଦେଶରେ ନାଗରିକତା ସଂଶୋଧନ ଆଇନ କେନ୍ଦ୍ର ସରକାର ଆଣିବା ପରେ କଂଗ୍ରେସ ଦଳ ସମେତ ବିଭିନ୍ନ ବାମପନ୍ଥୀ ଦଳ ପକ୍ଷରୁ ବିରୋଧ ପ୍ରଦର୍ଶନ କରାଯାଉଥିବା ବେଳେ ଏହି ଆଇନ ଦେଶର ଶରଣାର୍ଥୀଙ୍କ ହିତ ଉଦ୍ଦେଶ୍ୟରେ ବୋଲି କହିଛି ବିଜେପି । ଏହି ଜନଜାଗରଣ ପଦଯାତ୍ରାରେ ହଜାର ହଜାର ବିଜେପି କର୍ମୀ ଏକ ବିରାଟ ଶୋଭାଯାତ୍ରା କରି ବାରିପଦା ମଧୁବନଠାରୁ ବାହାରି ଛଉପଡିଆଠାରେ ପହଞ୍ଚିଥିଲା ।