ରାଇରଙ୍ଗପୁର:୧୯୭୧ ମସିହା ଭାରତ-ପାକିସ୍ତାନ ଯୁଦ୍ଧରେ ଅପରେସନ ଗଙ୍ଗାସାଗରର ଗୁରୁତ୍ବପୂର୍ଣ୍ଣ ଭୂମିକା ଗ୍ରହଣ କରିଥିଲା । ମୟୂରଭଞ୍ଜ ଜିଲ୍ଲା ଯଶିପୁର ଠାରେ ଭାରତ-ପାକିସ୍ତାନ ଯୁଦ୍ଧର ସ୍ବର୍ଣ୍ଣ ଜୟନ୍ତୀ ବା ୫୦ ବର୍ଷ ପୂର୍ତ୍ତି ଅବସରରେ ବିଜୟ ଉତ୍ସବ ପାଳନ ହୋଇଛି ।
ବିଜୟ ଉତ୍ସବ ପାଳନ ସହିତ ସେଠାରେ ଦେଶ ମାତୃକା ପାଇଁ ନିଜର ବଳିଦାନ ଦେଇଥିବା ଓଡିଆ ଯବାନଙ୍କ ସ୍ମୃତି ଚାରଣ କରିବା ସହିତ ତାଙ୍କର ପ୍ରତିମୂର୍ତ୍ତି ସ୍ଥାପନ କରାଯାଇଛି । ଏହି ଯୁଦ୍ଧ ସମୟରେ ଓଡ଼ିଶାର ୧୪ ଗାର୍ଡ ରେଜିମେଣ୍ଟର ୪୦ ଜଣ ଯବାନ ପୂର୍ବ ପାକିସ୍ତାନର ଗଙ୍ଗାସାଗର ଘାଟିରେ ମୁକ୍ତିସେନାଙ୍କ ସହିତ ମୁତୟନ ହୋଇ ପାକିସ୍ତାନକୁ ମାତ୍ ଦେଇଥିଲେ । ସେନାରେ ଓଡ଼ିଶାର ୪୦ ଜଣ ସେନା ଥିବା ବେଳେ ମୟୂରଭଞ୍ଜର ୧୧ ଜଣ ସାମିଲ ଥିଲେ । ତେବେ ଯୁଦ୍ଧରେ ଜଣେ ଓଡ଼ିଆ ଯବାନ ସହିଦ ହୋଇଥିବା ବେଳେ ଦୁଇ ଜଣ ଆହତ ହୋଇଥିଲେ ।
ଯୁଦ୍ଧର ସ୍ବର୍ଣ୍ଣ ଜୟନ୍ତୀ ଉତ୍ସବ ପାଳନ