ରାଇରଙ୍ଗପୁର: ସ୍ତ୍ରୀକୁ ପିଟି ପିଟି ହତ୍ୟା କଲା ସ୍ବାମୀ । ପରେ ଘର ପାଖରେ ଥିବା ଜଙ୍ଗଲରେ ଫୋପାଡ଼ି ଦେଲା । ଏହି ହୃଦୟ ବିଦାରକ ଘଟଣା ଘଟିଛି ମୟୁରଭଞ୍ଜ ଜିଲ୍ଲା ମୋରଡ଼ା ଥାନା ପୂର୍ଣ୍ଣଚନ୍ଦ୍ରପୁର ଗ୍ରାମରେ । ଘଟଣାଟି ଘଟିଛି ରବିବାର ବିଳମ୍ବିତ ରାତ୍ରିରେ ।
ଭିଡିଓ ସୌଜନ୍ୟ- ପ୍ରତିନିଧି ରାଇରଙ୍ଗପୁର
ତେବେ କୌଣସି ଏକ କଥାକୁ ନେଇ ସ୍ବାମୀ ଓ ସ୍ତ୍ରୀ ମଧ୍ୟରେ ଝଗଡା ହୋଇଥିଲା । ସ୍ବାମୀ ଜେନା ଭକ୍ତା ନିଜ ସ୍ତ୍ରୀ ଗୋଲାପୀ ଭକ୍ତାଙ୍କୁ ଏକ କାଠଫାଳିଆରେ ପିଟି ପିଟି ହତ୍ୟା କରିଛି । ସୂଚନା ଅନୁଯାୟୀ ସ୍ବାମୀ ଜେନା ଭକ୍ତା ପାରାଦୀପରେ ଶ୍ରମିକ ଭାବେ କାମ କରନ୍ତି । 5 ବର୍ଷ ପୂର୍ବରୁ ସେ ଗୋଲାପୀଙ୍କୁ ବିବାହ କରିଥିଲେ । ଗତକାଲି ରାତିରେ ସ୍ତ୍ରୀ ସହ ଝଗଡା ପରେ ସ୍ତ୍ରୀକୁ ପିଟି ପିଟି ମାରିବା ପରେ ଗାଁ ପାଖ ଜଙ୍ଗଲରେ ଫୋପାଡ଼ି ଦେଇଥିଲା ।