ଜଙ୍ଗଲରେ ପୋଲିସର ଚଢ଼ାଉ, ବିପୁଳ ପରିମାଣର ମଦ ତିଆରି ସାମଗ୍ରୀ ଜବତ

ରାଇରଙ୍ଗପୁର କୁସୁମୀ ସଂରକ୍ଷିତ ଜଙ୍ଗଲରେ ବାଦାମପାହାଡ ପୋଲିସର ଚଢ଼ାଉ । ବିପୁଳ ପରିମାଣର ମଦ ରନ୍ଧା ସରଞ୍ଜାମ ଜବତ । ଅଧିକ ପଢନ୍ତୁ..

ରାଇରଙ୍ଗପୁର: ଜଙ୍ଗଲରେ ଚୋରାରେ ଦେଶୀ ମଦ ତିଆରି ହେଉଥିବା ଖବର ପାଇ ବାଦାମପାହାଡ ପୋଲିସର ଚଢ଼ାଉ । ବିପୁଳ ପରିମାଣରେ ମହୁଲ ପୋଚ ନଷ୍ଟ ସହିତ ମଦ ରନ୍ଧା ସରଞ୍ଜାମ ଜବତ କରିଛି ପୋଲିସ । ମୟୂରଭଞ୍ଜ ଜିଲ୍ଲା ବାଦାମପାହାଡ ଥାନା କାଶିଆବେଡା ଗ୍ରାମ ନିକଟସ୍ଥ କୁସୁମୀ ସଂରକ୍ଷିତ ଜଙ୍ଗଲରେ ଚୋରାରେ ଦେଶୀ ମଦ ତିଆରି ଚାଲିଥିଲା । ଏନେଇ ପୋଲିସ ଖବର ପାଇବା ପରେ ଜଙ୍ଗଲ ମଧ୍ୟରେ ଅଚାନକ ଚଢ଼ାଉ କରିଥିଲା ।

ତେବେ ପୋଲିସକୁ ଦେଖି ମଦ ତିଆରି କରୁଥିବା ମାଫିଆ ଫେରାର ହୋଇଯାଇଥିଲେ । ଘଟଣାସ୍ଥଳରୁ ବହୁ ପରିମାଣରେ ମଦ ରନ୍ଧା ସରଞ୍ଜାମ ସହିତ ପ୍ରାୟ ଏକ ହଜାର ଲିଟର ମହୁଲ ପୋଚ ନଷ୍ଟ କରିଥିବା ବାଦାମପାହାଡ଼ ଥାନା ଅଧିକାରୀ ସୂଚନା ଦେଇଛନ୍ତି ।

ରାଇରଙ୍ଗପୁର ସଞ୍ଜୟ କୁମାର ପରିଡା, ଇଟିଭି ଭାରତ