ରାଇରଙ୍ଗପୁର:ବାତ୍ୟା ୟସ୍ ପ୍ରଭାବ ଯୋଗୁଁ ମୟୂରଭଞ୍ଜ ଜିଲ୍ଲାର କୁସୁମୀ ବ୍ଲକରେ ସର୍ବାଧିକ ବର୍ଷାର ରେକର୍ଡ କରାଯାଇଛି । ତେବେ ଗତ ତିନି ଦିନ ଧରି ଲଗାଣ ଓ ପ୍ରବଳ ବର୍ଷା ଯୋଗୁଁ କୁସୁମୀ ବ୍ଲକରେ ବେଶୀ ପରିମାଣରେ କ୍ଷୟକ୍ଷତି ହୋଇଥିବା ଦେଖିବାକୁ ମିଳିଛି ।
ବାତ୍ୟା ପ୍ରଭାବରେ କୁସୁମୀ ବ୍ଲକରେ ସର୍ବାଧିକ ବର୍ଷା ରେକର୍ଡ
ପଣ୍ଡୁଗଣ୍ଡି, ଉପରବେଡା, ଟେଣ୍ଟୋପୋଷି, ଅଙ୍ଗାରପଦା, ଯୋରଦା, ମହୁଲଡିହା, ଭାଲୁ ପାହାଡି ପ୍ରଭୃତି ଗାଁ ଗୁଡ଼ିକରେ ଅଧିକାଂଶ କଚ୍ଚା ଘର ଭାଙ୍ଗି ଯାଇଥିବା ବେଳେ ଜଳ ନିଷ୍କାସନ ହୋଇ ପାରୁନଥିବାରୁ ଗାଁ ଦାଣ୍ଡରେ ଆଣ୍ଠୁଏ ପାଣି ଛିଡ଼ା ହୋଇଛି । ସେପଟେ ଡୋଭା-ବନକାଣ୍ଡ ରାସ୍ତା ଉପରେ ଥିବା ପୋଲ ଓ ବର୍ଗିମାରା ନିକଟରେ ଥିବା ଗୋଟିଏ ପୋଲ ଭୁଶୁଡି ପଡିଥିବା ଖବର ହସ୍ତଗତ ହୋଇଛି।