ରାଇରଙ୍ଗପୁର:ରାଜଧାନୀ ପରେ ମୟୂରଭଞ୍ଜରେ ଚାଞ୍ଚଲ୍ୟ । ରାସ୍ତା କଡ଼ରୁ ବୃଦ୍ଧ ମହିଳାଙ୍କ ମୁଣ୍ଡ ବିହୀନ ମୃତଦେହ ଉଦ୍ଧାର । ଶରୀର ପଡିରହିଛି ହେଲେ ମୁଣ୍ଡ ନାହିଁ । ଗୁଣିଗାରେଡ଼ି ସନ୍ଦେହରେ କିମ୍ବା ପୂର୍ବ ଶତ୍ରୁତାକୁ ନେଇ କେହି ଏପରି ହତ୍ୟାକାଣ୍ଡ ଘଟାଇଥିବା ସନ୍ଦେହ କରାଯାଉଛି। ଏଭଳି ଲୋମଟାଙ୍କୁରା ଘଟଣା ଘଟିଛି କରଞ୍ଜିଆ ଥାନା ଅନ୍ତର୍ଗତ ବାଲିଭୋଳ ଗ୍ରାମର ଉଲିଡିହି ସାହିରେ।
ରାସ୍ତାରେ ପଡିଛି ମୁଣ୍ଡ ବିହୀନ ମୃତଦେହ, ଗୁଣିଗାରେଡ଼ି ସନ୍ଦେହରେ ହତ୍ୟା
ମୃତ ବୃଦ୍ଧା ଜଣଙ୍କ ସେହି ଗ୍ରାମର ଯମୁନା ହାଁସଦା ବୋଲି ଜଣାପଡିଛି। ତେବେ ଗ୍ରାମର ରାସ୍ତା କଡରେ ଜଣେ ବୃଦ୍ଧାଙ୍କ ମୁଣ୍ଡ ବିହୀନ ମୃତଦେହ ପଡ଼ିଥିବା ଦେଖି ସ୍ଥାନୀୟ ଲୋକେ ପୋଲିସକୁ ଖବର ଦେଇଥିଲେ। ଖବର ପାଇ ଘଟଣାସ୍ଥଳରେ କରଞ୍ଜିଆ ଥାନା ପୋଲିସ ପହଞ୍ଚି ଘଟଣାର ଛାନଭିନ ଆରମ୍ଭ କରିଛି ।