ରାଇରଙ୍ଗପୁର:ଚଳିତ ପଞ୍ଚାୟତ ନିର୍ବାଚନକୁ ନେଇ ଗାଁ ଗହଳିରେ ନିର୍ବାଚନ ତାତି ଦେଖିବାକୁ ମିଳିଛି। ବିଜୟ ମୁକୁଟ ହାସଲ କରିବା ପାଇଁ ବିଭିନ୍ନ ରାଜନୈତିକ ଦଳର ଜିଲ୍ଲାପରିଷଦ ପ୍ରାର୍ଥୀମାନେ ନିଜ ନିଜର ରଣକୌଶଳ ପ୍ରସ୍ତୁତ କରି ଜୋରଦାର ପ୍ରଚାରରେ ଲାଗି ପଡିଛନ୍ତି ।
ବହଳଦାରେ ଦଳୀୟ ପ୍ରାର୍ଥୀଙ୍କ ପାଇଁ ଯୋରଦାର ପ୍ରଚାର କଲେ ଗୋଲକ ମହାପାତ୍ର
ମୟୂରଭଞ୍ଜ ଜିଲ୍ଲାର ୨୫ ନଂ ଜିଲ୍ଲାପରିଷଦ ଜୋନ ବହଳଦା ଠାରେ ବିଜେପି ଦଳ ପକ୍ଷରୁ ମାରାଥନ ପ୍ରଚାର ମଧ୍ୟ ଜାରି ରହିଛି । ଦଳୀୟ ପ୍ରାର୍ଥୀଙ୍କ ପାଇଁ ପ୍ରଚାରରେ ସାମିଲ ହୋଇଥିଲେ ଦଳର ମୁଖପାତ୍ର ତଥା ରାଜ୍ୟ ସମ୍ପାଦକ ଗୋଲକ ମହାପାତ୍ର। ବହଳଦାସ୍ଥିତ ଇନ୍ଦଖୋଳି ଗ୍ରାମରେ ଦଳୀୟ କାର୍ଯ୍ୟାଳୟର ଉଦଘାଟନ କରିବା ସହିତ ୨୫ ନଂ ଜୋନର ଜିଲ୍ଲା ପରିଷଦ ପ୍ରାର୍ଥୀନୀ କରିସ୍ମା ମହାକୁଡଙ୍କ ପାଇଁ ମାରାଥନ ପ୍ରଚାର କରିଛନ୍ତି। ବିଜେପି କର୍ମୀ ମାନଙ୍କୁ ଉତ୍ସାହିତ କରିବା ସହିତ ପଦଯାତ୍ରାରେ ଘରକୁ ଘର ଯାଇ ୨୫ ନଂ ଜୋନ ପ୍ରାର୍ଥୀନୀ କରିସ୍ମା ମହାକୁଡଙ୍କ ପାଇଁ ଭୋଟ ଭିକ୍ଷା କରିଥିଲେ।