ସ୍କୁଟିରେ ଯାଉଥିଲେ ଅଗ୍ନିଶମ କର୍ମୀ, ବାଟରେ ଖସି ପଡିଲା ଗଛ

ଉପରେ ଗଛପଡି ଅଗ୍ନିଶମ କର୍ମଚାରୀ ଗୁରୁତର । ଏଭଳି ଘଟଣା ଘଟିଛି ବାରିପଦା ସହର ବିଜୁ ପଟ୍ଟନାୟକ ପାର୍କ ନିକଟରେ। ଅଧିକ ପଢନ୍ତୁ

ବାରିପଦା: ଉପରେ ଗଛପଡି ଅଗ୍ନିଶମ କର୍ମଚାରୀ ଗୁରୁତର । ଏଭଳି ଘଟଣା ଘଟିଛି ବାରିପଦା ସହର ବିଜୁ ପଟ୍ଟନାୟକ ପାର୍କ ନିକଟରେ । ଗୁରୁତରଙ୍କୁ ପଣ୍ଡିତ ରଘୁନାଥ ମୁର୍ମୁ ମେଡିକାଲ କଲେଜରେ ଭର୍ତ୍ତି କରାଯାଇଛି ।

ସୂଚନାଅନୁସାରେ, ବାରିପଦା ସହର ଉପକଣ୍ଠରେ ରହିଥିବା ବିଜୁ ପଟ୍ଟନାୟକ ପାର୍କ ରାସ୍ତାଦେଇ ଅଗ୍ନିଶମ ବିଭାଗର କର୍ମଚାରୀ ବ୍ରଜ ମହାନ୍ତି ଏବଂ ଜଗନ୍ନାଥ ମହାନ୍ତି ଏକ ସ୍କୁଟିରେ ଯାଉଥିବା ସମୟରେ ଏକ ବିଶାଳ ବରଗଛ ହଠାତ୍ ପଡିଯାଇଥିଲା । ଫଳରେ ସ୍କୁଟି ଭାଙ୍ଗି ଚୁରମାର ହୋଇଯିବା ସହ ବ୍ରଜ ମହାନ୍ତି ଗଛ ତଳେ ଚାପି ହୋଇ ରହି ଯାଇଥିଲେ । ଦମକଳ ବାହିନୀ ଏବଂ ସ୍ଥାନୀୟଲୋକଙ୍କ ସହାୟତାରେ ଗଛକୁ କଟାଯାଇ ବ୍ରଜ ମହାନ୍ତିଙ୍କୁ ଉଦ୍ଧାର କରାଯାଇଥିଲା । ତେବେ ସୌଭାଗ୍ୟବଶତଃ ଜଗନ୍ନାଥ ମହାନ୍ତିଙ୍କର କୌଣସି କ୍ଷତି ହୋଇଥିବା ବେଳେ ବ୍ରଜ ମହାନ୍ତିଙ୍କ ଦୁଇଟି ଗୋଡ ଭାଙ୍ଗିଯିବା ସହ ସ୍କୁଟି ଭାଙ୍ଗି ଚୁରମାର ହୋଇଯାଇଛି । ଉଦ୍ଧାର ପରେ ଅଗ୍ନିଶମ ବିଭାଗର କର୍ମଚାରୀ ବ୍ରଜ ମହାନ୍ତିଙ୍କୁ ଚିକିତ୍ସା ପାଇଁ ପଣ୍ଡିତ ରଘୁନାଥ ମୁର୍ମୁ ମେଡିକାଲ କଲେଜରେ ଭର୍ତ୍ତି କରିଛନ୍ତି ।

ଇଟିଭି ଭାରତ, ମୟୂରଭଞ୍ଜ