ବାରିପଦା: ହାତୀ ପାଇଁ ଘରେ ଲାଗିଲା ନିଆଁ, ଅଳ୍ପକେ ବର୍ତ୍ତିଲେ ପରିବାରର 4 ସଦସ୍ୟ । ଘଟଣା ଘଟିଛି ମୟୂରଭଞ୍ଜ ଜିଲ୍ଲାର ବେତନଟୀ ରେଞ୍ଜ ଅନ୍ତର୍ଗତ ଫଳଝରୀ ଗାଁରେ । ଗତ ରାତିରେ ଗାଁରେ ହାତୀ ପଶି ଘର ଭଙ୍ଗାରୁଜା କରିଥିଲା । ଗାଁର ସୁରେଇ ମୁର୍ମୁଙ୍କ ଘରୁ ହାତୀଟି ନଡ଼ା ସବୁ ଟାଣି ତଳେ ପକାଇ ଦେଇଥିଲା । ତେବେ ଏହି ନଡ଼ା ସବୁ ଘର ସମ୍ମୁଖରେ ଥିବା ଅଧା ଲିଭା ଚୁଲିରେ ପଡ଼ିଯାଇଥିଲା । ସେଥିରେ ନିଆଁ ଲାଗିଯିବାରୁ ତାହା ଧିରେଧିରେ ଘରକୁ ମଧ୍ୟ ମାଡି ଯାଇଥିଲା ।
ହାତୀ ପାଇଁ ଘରେ ଲାଗିଲା ନିଆଁ, ଅଳ୍ପକେ ବର୍ତ୍ତିଲେ ପରିବାରର ୪ ସଦସ୍ୟ
ଘର ଭିତରେ ହାତୀ ଭୟରେ ଜୀବନ ବଞ୍ଚାଇ ଲୁଚିଥିବା ପରିବାରର ଚାରି ସଦସ୍ୟ କବାଟ ଖୋଲି ବାହାରିବାକୁ ଚେଷ୍ଟା କରିଥିଲେ । ହେଲେ ଘର ସମ୍ମୁଖରେ ହାତୀ ଥିବାରୁ ସେମାନେ ବାହାରକୁ ବାହାରି ପାରି ନଥିଲେ । ପଛପଟ ଝରକା ତାଡି ସମସ୍ତେ ଜୀବନ ବଞ୍ଚାଇବାରେ ସକ୍ଷମ ହୋଇଥିଲେ ।