ବାରିପଦା: ମହଙ୍ଗା ପଡିଲା ମିଥ୍ୟା ପରିଚୟ । ବାଲି ଖାଦାନ ଉପରେ ଚଢାଉ ବେଳେ ଗିରଫ ହେଲେ ନକଲି ମାନବାଧିକାର କମିଶନର। ନକଲି ପରିଚୟ ଦେଖାଇ ଲୋକଙ୍କୁ ଟଙ୍କା ଆଦାୟ କରୁଥିବା ଅଭିଯୋଗରେ ଗିରଫ କରାଯାଇଛି । ଗିରଫ ବ୍ୟକ୍ତି ଜଣକ ବାରିପଦା ଥାନା ଦେଉଳସାହିର ମାନଗୋବିନ୍ଦ ପାଣିଗ୍ରାହୀ । ଏହି ଘଟଣାରେ ଅନ୍ୟ ଜଣେ ଅଭିଯୁକ୍ତ ଫେରାର ରହିଛି ।
ବାଲି ଖାଦାନରେ ଚଢାଉ କରି ଗିରଫ ହେଲା ନକଲି ମାନବାଧିକାର କମିଶନର
ମୟୂରଭଞ୍ଜ ଜିଲ୍ଲା ବଡସାହି ମହୁପୁରା ଘାଟର ବାଲି ଖାଦାନ ଲିଜଧାରୀଙ୍କ ଅଭିଯୋଗ କ୍ରମେ, 40/21 ରେ ବଡସାହି ପୋଲିସ ମାମଲା ରୁଜୁ କରି ଜଣକୁ ଗିରଫ କରିଛି । ଉକ୍ତ ବ୍ୟକ୍ତି ଜଣକ ବାରିପଦାର ଏକ ୱେବ ମିଡିଆରେ ସାମ୍ବାଦିକତା କରୁଥିଲେ। ତେବେ ଏହି ଘଟଣାରେ ସମ୍ପୃକ୍ତ ଅନ୍ୟ ଜଣେ ଅଭିଯୁକ୍ତ ଲିଙ୍ଗରାଜ ପଣ୍ଡା ଫେରାର ରହିଛି । ସେ ଭଦ୍ରକ ଜିଲ୍ଲା ତିହିଡି ବ୍ଲକ ବୋଉଳପାଳ ଗାଁ ବୋଲି ଜଣାପଡିଛି ।