ବାରିପଦା: ସ୍ବାସ୍ଥ୍ୟ ସେବାର ଆଉ ଏକ ନଗ୍ନ ଚିତ୍ର । ରୋଗୀଙ୍କୁ ଦିଆଗଲା ଏକ୍ସପାଏରୀ ସାଲାଇନ । ଏଭଳି ଏକ ଘଟଣା ଦେଖିବାକୁ ମିଳିଛି ମୟୂରଭଞ୍ଜ ଜିଲ୍ଲା କପ୍ତିପଦା ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ । ଝାଡା ରୋଗରେ ଆକ୍ରାନ୍ତ ହୋଇ ଚିକିତ୍ସା ପାଇଁ ଡାକ୍ତରଖାନାରେ ଭର୍ତ୍ତି ହୋଇଥିବା ରୋଗୀଙ୍କୁ ଦିଆଯାଇଛି ଏକ୍ସପାଏରୀ ସାଲାଇନ୍ । ତେବେ ଆଳୁ ଖୋଳୁ ଖୋଳୁ ମହାଦେବ ବାହାରିବା ପରି ଘଟଣା ପଛକୁ ଯିବାରୁ ଜଣାପଡିଲା ଡାକ୍ତରଖାନାରେ ରହିଛି ଆହୁରି ଏକ୍ସପାଏରୀ ସାଲାଇନ୍ ।
ରୋଗୀଙ୍କୁ ଏକ୍ସପାଏରୀ ସାଲାଇନ ଦେବା ଘଟଣା; ଡାକ୍ତରଙ୍କୁ ଅଟକ ରଖି ତଦନ୍ତ ଜାରି
ଡ଼ିସେମ୍ବର ୧୪ ତାରିଖ ଦିନ ଝାଡାରେ ଆକ୍ରାନ୍ତ ହୋଇ କପ୍ତିପଦା ଥାନା ଦୁଣ୍ଡରିଆ ଗ୍ରାମର ନରେନ୍ଦ୍ର ନାଥ ମହାନ୍ତି ଡାକ୍ତରଖାନାରେ ଭର୍ତ୍ତି ହୋଇଥିଲେ । ତାଙ୍କୁ ଏକ୍ସପାଏରୀ ଆଣ୍ଟିବାୟୋଟିକ ସାଲାଇନ୍ ଦିଆଯାଇଥିବା ପରିବାର ଲୋକେ ଦେଖିବା ପରେ ଏହାକୁ ନେଇ ଡାକ୍ତରଖାନାରେ ଉତ୍ତେଜନା ଦେଖୁବାକୁ ମିଳିଥିଲା ।