ରାଇରଙ୍ଗପୁର:ମୟୂରଭଞ୍ଜ ଜିଲ୍ଲା କରଞ୍ଜିଆ ବନଖଣ୍ଡରେ ପୁଣି ରବିବାର ଝାଡଖଣ୍ଡି ହାତୀପଲଙ୍କ ଉପଦ୍ରବ ଦେଖିବାକୁ ମିଳିଛି । କରଞ୍ଜିଆ ଅନ୍ତର୍ଗତ କିଛି ଗ୍ରାମରେ ହାତୀପଲ ପଶି 3ଟି ଘର ଭାଙ୍ଗିଛନ୍ତି ।
ମୟୂରଭଞ୍ଜରେ ହାତୀ ଉପଦ୍ରବ, 3ଟି ଘର ଭାଙ୍ଗିବା ସହ ଆସବାବପତ୍ର ନଷ୍ଟ
ମିଳିଥିବା ସୂଚନା ଅନୁସାରେ, ଆଠ ଦିନ ବ୍ୟବଧାନ ପରେ ମୟୂରଭଞ୍ଜ ଜିଲ୍ଲା କରଞ୍ଜିଆ ବନଖଣ୍ଡକୁ ପୁଣି ଝାଡ଼ଖଣ୍ଡି ହାତୀପଲ ଫେରିଥିବା ବେଳେ ଏହି ହାତୀପଲରେ ୨୪ଟି ହାତୀ ଥିବା ଜଣାପଡ଼ିଛି । ଏହି ହାତୀପଲ କରଞ୍ଜିଆ ରେଞ୍ଜ ଅନ୍ତର୍ଗତ ଶୁକୃଳି ବ୍ଲକର ଅର୍ଜୁନବିଲ୍ଲା ଗ୍ରାମରେ ଗୋଟିଏ ଓ ଘାଗି ଗ୍ରାମରେ ଦୁଇଟି ଘର ଭାଙ୍ଗିଥିବା ବେଳେ ଆସବାବପତ୍ର ମଧ୍ୟ ନଷ୍ଟ କରିଛନ୍ତି ।