ବାରିପଦା:ପୁଣି ଶିମିଳିପାଳରେ ହାତୀ ମୃତ୍ୟୁ । ଶିମିଳିପାଳର କୋର ଅଞ୍ଚଳରେ ଗୋଟିଏ ମାଈ ହାତୀ ଛୁଆର ମୃତ୍ୟୁ ହୋଇଛି । ଏଭଳି ଘଟଣା ଘଟିଛି ପୋଡାଡିହା ରେଞ୍ଜରେ । ପୋଡାଡିହା ରେଞ୍ଜ ମନଭଙ୍ଗା ବିଟ୍ ଅଧିନ ଶିମିଳିପାଳ ଜଙ୍ଗଲ ଭିତରେ ଗୋଟିଏ ମାଈହାତୀ ଛୁଆର ମୃତ୍ୟୁ ହୋଇଥିବା ବନବିଭାଗ ଖବର ପାଇଥିଲା ।
ଖବର ପାଇ ବନବିଭାଗ ଘଟଣାସ୍ଥଳରେ ପହଂଚି ମୃତଦେହ ଜବତ କରି ବ୍ୟବଚ୍ଛେଦ କରିବା ସହିତ ତାକୁ ଦାହ କରିଛି । ତେବେ ମୃତ ମାଈହାତୀ ଛୁଆଟି କିଛି ଦିନ ପୂର୍ବେ ମନଭଙ୍ଗା ବିଟ୍ ଅଂଚଳକୁ ଆସିଥିବା ହାତୀପଲରେ ରହିଥିଲା । ହେଲେ ସମସ୍ତ ହାତୀ ଚାଲି ଯାଇଥିବା ବେଳେ ଏହି ଛୁଆ ହାତୀଟି ବାଟ ଭୁଲିଯାଇ ଜଙ୍ଗଲରେ ଏକୁଟିଆ ରହିଯାଇଥିଲା ।