ରାଇରଙ୍ଗପୁର:ଶୋଇଥିବା ସମୟରେ ଦୃଷ୍ଟିହୀନ ବୃଦ୍ଧଙ୍କୁ ଦଳିଦେଲା ହାତୀ । ମୟୂରଭଞ୍ଜ ଜିଲ୍ଲା ରାଇରଙ୍ଗପୁର ବନଖଣ୍ଡ ମଣଦା ରେଞ୍ଜ ଅନ୍ତର୍ଗତ ବାଙ୍କି ଗ୍ରାମରେ ଏଭଳି ଅଭାବନୀୟ ଘଟଣା ଦେଖିବାକୁ ମିଳିଛି । ମୃତକ ଜଣକ ଅଙ୍ଗଦ ଦେହୁରୀ ହୋଇଥିବା ଜଣାପଡ଼ିଛି । ଘଟଣାସ୍ଥଳରେ ରେଞ୍ଜ ଅଧିକାରୀ ପହଞ୍ଚି ତଦନ୍ତ ଆରମ୍ଭ କରିଛନ୍ତି । ସୂଚନା ଅନୁଯାୟୀ ସୋମବାର ରାତି ପ୍ରାୟ ୯ଟା ସମୟରେ ଅଙ୍ଗଦ ଘର ବାହାରେ ଶୋଇଥିବାବେଳେ ହଠାତ ଏକ ହାତୀ ଆସି ପହଞ୍ଚିଥିଲା । ଅଙ୍ଗଦ ଦୃଷ୍ଟିହୀନ ଥିବାରୁ କୁଆଡେ ଯାଇ ନପାରି ହାତୀ ଆକ୍ରମଣର ଶିକାର ହୋଇଥିଲେ ।
ହାତୀ ଆକ୍ରମଣରେ ବୃଦ୍ଧଙ୍କ ମୃତ୍ୟୁ