ଫେରିଲେ ଝାଡଖଣ୍ଡି ହାତୀପଲ, ଘର ଭାଙ୍ଗି ଖାଇଗଲେ ଧାନ ଚାଉଳ

କରଞ୍ଜିଆ ବନଖଣ୍ଡରେ ହାତୀ ଉପଦ୍ରବ । 17 ଟିକିଆ ଝାଡଖଣ୍ଡି ହାତୀପଲ ଗ୍ରାମର ପଶି ବ୍ୟାପକ ପରିମାଣରେ ଧାନ ଚାଉଳ ନଷ୍ଟ କରିବା ସହ ଘର ଗୁଡିକ ଭଙ୍ଗାରୁଜା କରିଛନ୍ତି । ଅଧିକ ପଢନ୍ତୁ..

ରାଇରଙ୍ଗପୁର : ପୁଣି କରଞ୍ଜିଆ ବନଖଣ୍ଡକୁ ଫେରିଲେ ଝାଡଖଣ୍ଡି ହାତୀପଲ । କରଞ୍ଜିଆ ବନଖଣ୍ଡରେ ହାତୀ ଆତଙ୍କ ଥମିବାର ନାଁ ନେଉନଥିବା ବେଳେ ପୁଣି ଚାରି ଦିନ ବ୍ୟବଧାନ ପରେ ରରୁଆଁ ଅଞ୍ଚଳକୁ ପୁଣି ଆସିଲେ 17 ଟିକିଆ ଝାଡଖଣ୍ଡି ହାତୀ ପଲ ।

ସୂଚନା ଅନୁଯାୟୀ ମୟୂରଭଞ୍ଜ ଜିଲ୍ଲା କରଞ୍ଜିଆ ବନଖଣ୍ଡରେ ଗତ ବିଳମ୍ବିତ ରାତିରେ ରରୁଆଁ ବ୍ଲକ ମେଣ୍ଢାମୁଣ୍ଡି ଗ୍ରାମରେ ପଶି ଘର ଭାଙ୍ଗିବା ସହିତ ଗଚ୍ଛିତ ଧାନ, ଚାଉଳ ଖାଇ ଯାଇଥିଲେ ହାତୀପଲ । ସେହିପରି ଖୁଣ୍ଟାପଡା ଗ୍ରାମରେ ମଧ୍ୟ ଘର ଭାଙ୍ଗିବା ସହିତ ଧାନ ଚାଉଳ ଖାଇ ବ୍ୟାପକ ପରିମାଣରେ ନଷ୍ଟ କରିଛନ୍ତି । ବନ ବିଭାଗ ପକ୍ଷରୁ ହାତୀ ମାନଙ୍କୁ ଘଉଡ଼ାଇବା ଉଦ୍ୟମ କରିଥିଲେ ମଧ୍ୟ ହାତୀପଲ ଭାଗ ଭାଗ ହେବା ଫଳରେ ହାତୀ ପଲଙ୍କୁ ଘଉଡ଼ାଇବାରେ ସମସ୍ୟା ହୋଇଥିଲା ବୋଲି କହିଛନ୍ତି ବିଭାଗୀୟ ଅଧିକାରୀ ।

ରାଇରଙ୍ଗପୁରରୁ ସଞ୍ଜୟ କୁମାର ପରିଡା,ଇଟିଭି ଭାରତ