ରାଇରଙ୍ଗପୁର:କୂଅରେ ପଡି଼ ମାଈ ହାତୀର ମୃତ୍ୟୁ । ଧାନ ଫସଲ ଖାଇବା ଉଦ୍ଦେଶ୍ୟରେ ଗାଁକୁ ଆସିଥିଲେ ହାତୀପଲ । ତେବେ କୂଅରେ ଖସି ପଡିଥିଲା ମାଈ ହାତୀ । ଏଭଳି ଅଭାବନୀୟ ଘଟଣା ଘଟିଛି ମୟୁରଭଞ୍ଜ ଜିଲ୍ଲା ରାଇରଙ୍ଗପୁର ବନଖଣ୍ଡ ଅନ୍ତର୍ଗତ ରାଇରଙ୍ଗପୁର ରେଞ୍ଜ ସାରଣ୍ଡା ଜଙ୍ଗଲ ନିକଟ ଦଳେଇଡ଼ିହି ଗ୍ରାମରେ ।
କୂଅରେ ଖସି ମାଈହାତୀର ମୃତ୍ୟୁ
ସୂଚନା ଅନୁଯାୟୀ, ଗତକାଲି ବିଳମ୍ବିତ ରାତ୍ରିରେ ବାର ଟିକିଆ ହାତୀପଲ ଧାନ ଫସଲ ଖାଇବା ଉଦ୍ଦେଶ୍ୟରେ ଗାଁ ନିକଟକୁ ଆସିଥିଲେ । ଉକ୍ତ ହାତୀପଲଙ୍କ ମଧରୁ ଗୋଟିଏ ମାଈ ହାତୀ ଗାଁ ନିକଟ କୂଅରେ ଖସି ପଡିଥିଲା । ଅନ୍ୟ ହାତୀମାନେ ଅନେକ ସମୟ ପର୍ଯ୍ୟନ୍ତ କୂଅ ପାଖରେ ଜଗି ରହିଥିଲେ ମଧ୍ୟ ଉଦ୍ଧାର କରି ନ ପାରି ଶେଷରେ ସେ ସ୍ଥାନ ଛାଡି ବିଶୋଇ ରେଞ୍ଜ ଅନ୍ତର୍ଗତ ଜଙ୍ଗଲକୁ ପଳାଇ ଯାଇଥିଲେ । ତେବେ ସକାଳୁ ଗାଁ ଲୋକେ କୂଅରେ ଏକ ହାତୀ ପଡିଥିବା ଦେଖି ବନବିଭାଗକୁ ଖବର ଦେଇଥିଲେ। ଏନେଇ ଖବର ପାଇ ରାଇରଙ୍ଗପୁର ଏସିଏଫ ନବୀନ ଚନ୍ଦ୍ର ନାୟକଙ୍କ ସମେତ ବନ ବିଭାଗ ଅଧିକାରୀ ଓ କର୍ମଚାରୀମାନେ ଘଟଣାସ୍ଥଳରେ ପହଞ୍ଚିଥିଲା ।