ରାଇରଙ୍ଗପୁର: ମୟୂରଭଞ୍ଜ ଜିଲ୍ଲା କରଞ୍ଜିଆ ବନଖଣ୍ଡ ଅଞ୍ଚଳରେ ଥମୁନି ହାତୀ ଆତଙ୍କ । ଦୁଇ ତିନି ଦିନ ହେବ ୧୭ ଜଣିଆ ଝାଡଖଣ୍ଡି ହାତୀପଲ କରଞ୍ଜିଆ ବନଖଣ୍ଡ ଅଧିନସ୍ଥ ଅଞ୍ଚଳରେ ବ୍ୟାପକ କ୍ଷୟକ୍ଷତି କରିବା ସହିତ ୧୫ରୁ ଉର୍ଦ୍ଧ୍ବ ଘର ଭାଙ୍ଗି ସାରିଲେଣି ।
ସେହିପରି ଗୁରୁବାର ବିଳମ୍ବିତ ରାତିରେ ଝାଡଖଣ୍ଡରୁ ୪ଟି ବଣୁଆ ହାତୀ ଆସି ରରୁଆଁ ବ୍ଲକ ଅନ୍ତର୍ଗତ ଅଙ୍ଗାରପଦା ଗ୍ରାମପଞ୍ଚାୟତ ଗୋଦାମ ଘର ଗେଟ ଭାଙ୍ଗି ବହୁ ପରିମାଣର ଚାଉଳ ଖାଇବା ସହିତ ବ୍ୟାପକ ଶସ୍ୟ ନଷ୍ଟ କରିଥିବା ଦେଖିବାକୁ ମିଳିଛି । ଅନ୍ୟପକ୍ଷେ ସାମାଜିକ ଦୂରତା ନମାନି ଶହଶହ ଲୋକ ରୁଣ୍ଡ ହୋଇ ଏହି ହାତୀପଲକୁ ଦେଖିବା ପାଇଁ ପ୍ରବଳ ଭିଡ଼ କରିବା ସହ ହାତୀ ଘଉଡାଇବାରେ ଲାଗିପଡିଛନ୍ତି ।
ରାଇରଙ୍ଗପୁରରୁ ସଞ୍ଜୟ ପରିଡା, ଇଟିଭି ଭାରତ
