ମୟୁରଭଞ୍ଜ: ଶିକ୍ଷାର ମାନ ବୃଦ୍ଧି ପାଇଁ ସରକାର ଅନେକ ଯୋଜନାରେ କୋଟି କୋଟି ଟଙ୍କା ଖର୍ଚ୍ଚ କରୁଛନ୍ତି । ମୟୁରଭଞ୍ଜ ଜିଲ୍ଲାର ମୋରଡ଼ା ବ୍ଲକ ସମାୟଡିହି ଲୋଧାସାହି ପ୍ରାଥମିକ ବିଦ୍ୟାଳୟର ଅବସ୍ଥା କିନ୍ତୁ ଦୟନୀୟ । ଶ୍ରେଣୀ ଗୃହରେ ପଡିରହିଛି ବିଦ୍ୟୁତ ସାମଗ୍ରୀ ।
ବିଦ୍ୟାଳୟରେ ପ୍ରଥମରୁ ପଞ୍ଚମ ଶ୍ରେଣୀର ଛାତ୍ରଛାତ୍ରୀ ପାଠପଢନ୍ତି । ଦୁଇଟି ଶ୍ରେଣୀ ଗୃହ ଥିବା ବେଳେ ଗୋଟିଏ ଗୃହରେ ଚାଲିଛି ପାଠପଢା ଓ ଅନ୍ୟ ଏକ ଗୃହରେ ପଡିରହିଛି ବିଦ୍ୟୁତ ସାମଗ୍ରୀ । ସ୍କୁଲ ନିର୍ମାଣ ହେବା ପରଠାରୁ ଜଣେ ଠିକାଦାର ସାମଗ୍ରୀ ରଖି ଦେଇ ଯାଇଛନ୍ତି ହେଲେ ଏଯାଏଁ ଠିକାଦାରଙ୍କ ଦେଖାନାହିଁ । ତେବେ ଏନେଇ ସ୍କୁଲ ପ୍ରଧାନଶିକ୍ଷକ ମଧ୍ୟ ଉପରିସ୍ଥ ଅଧିକାରୀଙ୍କୁ କୌଣସି ଅଭିଯୋଗ ନକରିବା ଆଶ୍ଚର୍ଯ୍ୟଜନକ ବିଷୟ।
ଭିଡିଓ ସୌଜନ୍ୟ: ପ୍ରତିନିଧି, ଇଟିଭି ଭାରତ