ବାରିପଦା: ଦେହରେ ନାହିଁ ବଳ ,ଧୁଡୁକି ଗଲାଣୀ ଚମ । ହେଲେ ବଞ୍ଚିବା ପାଇଁ କରି ଚାଲିଛନ୍ତି ସଂଘର୍ଷ । ପଲିଥିନ ତଳେ ବିତୁଛି ବୃଦ୍ଧ ଦମ୍ପତିଙ୍କ ଜୀବନ । ଆହା ପଦେ କହିବାକୁ ପାଖରେ ବି କେହି ନାହିଁ । ଦୁଇ ଝିଅ ଗୋଟିଏ ପୁଅ ବି ଅଛନ୍ତି ,ହେଲେ ପଚାରୁ ନାହାଁନ୍ତି । ଆମେ କହୁଛୁ ମୟୂରଭଞ୍ଜ ଜିଲ୍ଲା ସନ୍ୟାସୀ ଗାଁର ଲୁଇକା ଓ କୁନିମଣିଙ୍କ କଥା । ଦୀର୍ଘ ବର୍ଷ ହେବ ସେମାନଙ୍କ ଘର ଭାଙ୍ଗି ଯାଇଛି । ପାଖରେ ସମ୍ବଳ ନ ଥିବାରୁ ପଲିଥିନ ଟାଣି ରହୁଛନ୍ତି । ସମସ୍ତ ସରକାରୀ ଯୋଜନା ଏମାନଙ୍କ ପାଇଁ ସାତ ସପନ ପାଲଟିଛି । ଖୋଲା ଆକାଶ ତଳେ ମଧ୍ୟ ରାନ୍ଧିବାଡି ଖାଉଛନ୍ତି । ଦେହରେ ବଳ ନ ଥିବାରୁ ସ୍ବାମୀଙ୍କ ସାହାରାରେ ବାଟ ଚାଲୁଛନ୍ତି ବୃଦ୍ଧା। ସ୍ବାମୀ ରୋଷେଇ କରିଦେଲେ ଦୁଇଗୁଣ୍ଡା ଖାଉଛନ୍ତି ।
ପଲିଥିନ ତଳେ ବିତୁଛି ଜୀବନ, ସରକାରୀ ସହାୟତା ସାତସପନ