ମୟୂରଭଞ୍ଜ: ଚିକିତ୍ସା ଅବହେଳାରୁ ଦିବ୍ୟାଙ୍ଗଙ୍କ ମୃତ୍ୟୁ । ମୟୂରଭଞ୍ଜ ଜିଲ୍ଲାର ୧୫ବର୍ଷୀୟ ଦିବ୍ୟାଙ୍ଗ ଝିଅର ମୃତ୍ୟୁ ହୋଇଥିବା ନେଇ ଅଭିଯୋଗ ହୋଇଛି । ଡାକ୍ତର ଓ ନର୍ସଙ୍କ ବିରୁଦ୍ଧରେ କାର୍ଯ୍ୟାନୁଷ୍ଠାନ ନେଇ ଡାକ୍ତରଖାନା ଆଗରେ ଧାରଣା ଦେଇଥିବାର ଦେଖିବାକୁ ମିଳିଥିଲା ।
ଭିଡିଓ ସୌଜନ୍ୟ: ସମ୍ବାଦଦାତା, ମୟୂରଭଞ୍ଜ
ଜିଲ୍ଲା ଚାନ୍ଦୁଆ ଅଞ୍ଚଳର ଚାଲୁଣିଆ ଗାଁର ବୀରେନ୍ଦ୍ର ପାତ୍ରଙ୍କ ଝିଅ ରଞ୍ଜିତା ପାତ୍ର । ରଞ୍ଜିତା ଜଣେ ଦିବ୍ୟାଙ୍ଗ ହୋଇଥିବା ବେଳେ କିଛି ଦିନ ଧରି ଅସୁସ୍ଥତା ଅନୁଭବ କରିଥିଲେ । ଏହା ପରେ ତାଙ୍କୁ ଗତ ଶନିବାର ବାରିପଦା ସ୍ଥିତ ପଣ୍ଡିତ ରଘୁନାଥ ମୁର୍ମୁ ମେଡିକାଲରେ ଚିକିତ୍ସିତ କରାଯାଉଥିଲା । କିନ୍ତୁ ମଧ୍ୟରାତ୍ରିରେ ରଞ୍ଜିତାଙ୍କ ସ୍ବାସ୍ଥ୍ୟ ଗୁରୁତର ହୋଇପଡିଥିବା ବେଳେ ଡାକ୍ତର ଓ ଡ୍ୟୁଟିରେ ଥିବା ନର୍ସମାନେ ଚିକିତ୍ସାରେ କ୍ରମାଗତ ଅବହେଳା ପ୍ରଦର୍ଶନ କରିଥିଲେ । ଫଳରେ ତାଙ୍କର ମୃତ୍ୟୁ ଘଟିଥିବା ନେଇ ପରିବାର ଲୋକେ ଅଭିଯୋଗ କରିଛନ୍ତି ।