ଦୁଇ ପତ୍ନୀଙ୍କୁ ହତ୍ୟା କରି ଆତ୍ମହତ୍ୟା କଲା ପତି

ବାରିପଦା ସଦରଥାନା ତାଡକିଶୋଳ ଗାଁରେ ଦୁଇ ପତ୍ନୀଙ୍କୁ ହାତୁଡିରେ ପିଟି ପିଟି ମାରିବା ପରେ ନିଜେ ଘର ବାହାରେ ଥିବା ଏକ ଗଛରେ କୂଅ ଦଉଡ଼ିରେ ଆତ୍ମହତ୍ୟା କରିଛି ପତି ।

ବାରିପଦା: ଜିଲ୍ଲାରେ ଚାଞ୍ଚଲ୍ୟ । ଦୁଇ ପତ୍ନୀଙ୍କୁ ମାରି ନିଜେ ଝୁଲିଲା ସ୍ବାମୀ । ଏଭଳି ଅଭାବନୀୟ ଘଟଣା ଘଟିଛି ମୟୁରଭଞ୍ଜର ବାରିପଦା ସଦରଥାନା ତାଡକିଶୋଳ ଗାଁରେ ।

ମୃତକ ସ୍ବାମୀ ଶ୍ୟାମ ମାରାଣ୍ଡି ନିଜର ଦୁଇ ପତ୍ନୀ ଫୁଲମଣି ମାରାଣ୍ଡି ଓ ସାଲକ ମାରାଣ୍ଡିକୁ ହାତୁଡିରେ ପିଟି ପିଟି ମାରିବା ପରେ ନିଜେ ଘର ବାହାରେ ଥିବା ଏକ ଗଛରେ କୂଅ ଦଉଡ଼ିରେ ଆତ୍ମହତ୍ୟା କରିଛି । ତେବେ ସମ୍ପର୍କିୟଙ୍କ କହିବାନୁସାରେ, ଗତକିଛି ଦିନ ହେବ ଶ୍ୟାମ ମାନସିକ ରୋଗରେ ପୀଡିତ ଥିଲା ।

ତେବେ ମୟୁରଭଞ୍ଜ ଜିଲ୍ଲାରେ ଆଦିବାସୀମାନେ ଖ୍ରୀଷ୍ଟ ଧର୍ମ ଗ୍ରହଣ କରିବା ନଜିର ରହିଛି। ଖ୍ରୀଷ୍ଟ ଧର୍ମ ଗ୍ରହଣ କୁ ନେଇ ପରିବାର ମଧ୍ୟରେ ସବୁବେଳେ ତିକ୍ତତା ରହୁଥିବାର କହିଛନ୍ତି ମୃତକ ଦୁଇ ସ୍ତ୍ରୀଙ୍କ ଭାଇ।

ଘଟଣା ପରେ ବାରିପଦା ଏସ ଡି ପ ଓ ଙ୍କ ସହ ବାରିପଦା ସଦର ଥାନା ପୋଲିସ ପହଞ୍ଚି ସାଇଣ୍ଟିଫିକ ଟିମ ସାହାଯ୍ୟରେ ତଦନ୍ତ ଆରମ୍ଭ କରିବା ସହ କେସ ନମ୍ବର 48/19 ଆଧାରରେ ମାମଲା ରୁଜୁ କିରିଛି ।

ମୟୁରଭଞ୍ଜରୁ ମୃତ୍ୟୁଞ୍ଜୟ ସେନାପତି, ଇଟିଭି ଭାରତ