ମୟୂରଭଞ୍ଜ: ମଦ୍ୟପ ପୋଲିସ ଅଫିସରଙ୍କୁ କଡା ଦଣ୍ଡ । ନିଶାସକ୍ତ ଅବସ୍ଥାରେ ଭିଡିଓ ଭାଇରାଲ ପରେ ବିଦା ହେଲେ ସବ୍ ଇନ୍ସପେକ୍ଟର । ମଦ ନିଶାରେ ବେହୋସ ସବ ଇନ୍ସପେକ୍ଟରଙ୍କୁ ହୋସ ଉଡାଇଦେଲା ବହିଷ୍କାର ନିର୍ଦ୍ଦେଶ । ମୟୂରଭଞ୍ଜ ଜିଲ୍ଲା ବେତନଟି ଥାନା ସବ ଇନ୍ସପେକ୍ଟର ସଚିଦା ନନ୍ଦ କିଷାନଙ୍କୁ ନିଲମ୍ବନ କଲେ ଏସପି । ଏକ ପାନ ଦୋକାନ ବେଞ୍ଚରେ ମଦ ନିଶାରେ ଚୁର ହୋଇ ଗଡୁଥିବା ଭିଡିଓ ଭାଇରାଲ ପରେ ସବ ଇନ୍ସପେକ୍ଟରଙ୍କୁ ନିଲମ୍ବିତ କରିଛନ୍ତି ଏସପି ।
ଭିଡିଓ ଭାଇରାଲ ପରେ ନିଲମ୍ବିତ ହେଲେ ବେତନଟୀ ଥାନା ମଦ୍ୟପ ସବ୍ ଇନ୍ସପେକ୍ଟର
ବେତନଟି ଥାନାରେ କାର୍ଯ୍ୟରତ ସବ ଇନ୍ସପେକ୍ଟର ସଚ୍ଚିଦା ନନ୍ଦ କିଷାନ ବୁଧବାର ସନ୍ଧ୍ୟା ସମୟରେ ମଦ୍ୟପାନ କରି ବେତନଟି ଥାନା ଛକ ନିକଟରେ ଥିବା ଏକ ପାନ ଦୋକାନ ବେଞ୍ଚ ଉପରେ ବେହୋସ ଅବସ୍ଥାରେ ପଡିରହିଥିଲେ । ସ୍ଥାନୀୟ ଲୋକେ ସବ ଇନ୍ସପେକ୍ଟରଙ୍କୁ ଉଦ୍ଧାର କରି ଥାନାରେ ଛାଡି ଥିଲେ ।