ରାଇରଙ୍ଗପୁର: ପାରିବାରିକ କଳହର କରୁଣ ପରିଣତି । ପୁତୁରାର ଶାବଳ ମାଡରେ ଗଲା ବଡ ବାପା ଓ ବଡ ମାଆ ଜୀବନ । ଏଭଳି ଏକ ବୀଭତ୍ସ ହତ୍ୟାକାଣ୍ଡ ଘଟିଛି ମୟୂରଭଞ୍ଜ ଜିଲ୍ଲା ତିରିଂ ଥାନା ଅନ୍ତର୍ଗତ ଦେଉରାଡିହି ଗାଁରେ । ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି ।
ପୁତୁରାର ଶାବଳ ମାଡରେ ଆଖି ବୁଜିଲେ ବଡ ବାପା ଓ ବଡ ମାଆ
ସୂଚନା ଅନୁସାରେ, ପାଣି ପମ୍ପ ବିକ୍ରିକୁ ନେଇ ଦୁଇ ଭାଇ ଯୋଗେନ୍ଦ୍ର ହାଁସଦା ଓ ସୁରାଇ ହାଁସଦାଙ୍କ ମଧ୍ୟରେ ବାରମ୍ବାର କଳହ ଲାଗି ରହିଥିଲା। ତେବେ ଆଜି ମଧ୍ୟ ପାଣି ପମ୍ପ ବିକ୍ରି କଥା ଉଠିଥିଲା । ଯାହାକୁ ନେଇ ଯୋଗେନ୍ଦ୍ର ହାଁସଦା ଓ ସାନ ଭାଇ ସୁରାଇ ହାଁସଦାଙ୍କ ମଧ୍ୟରେ ଝଗଡା ଆରମ୍ଭ ହୋଇଥିଲା । ବାପାଙ୍କ ସହ ବଡ ବାପା ଝଗଡା ଲାଗୁଥିବା ଖବର ପାଇ ପୁତୁରା ମାଝୋ ହାଁସଦା ଉତକ୍ଷିପ୍ତ ହୋଇ ଯାଇଥିଲେ । ଏକ ଶାବଳରେ ବଡ ବାପା ଓ ବଡ ମାକୁ ବାଡ଼େଇ ବାଡ଼େଇ ହତ୍ୟା କରିଥିଲେ।