ବାରିପଦା: ଦୀର୍ଘ ଦିନ ହେବ ପିଆରଏମ ମେଡିକାଲ କଲେଜ ଓ ହସ୍ପିଟାଲ ରାସ୍ତାର ଉଭୟ ପାର୍ଶ୍ବରେ ଦୋକାନୀମାନେ ବେଆଇନ ଭାବେ ଜବର ଦଖଲ କରି ପସରା ମେଲାଇବା ସହ ରାସ୍ତା ଉପରେ ପାର୍କିଂ ବଢିବାରେ ଲାଗିଥିଲା । ଯାହାକୁ ଦୃଷ୍ଟିରେ ରଖି ଗୁରୁବାର ଏହି ହସ୍ପିଟାଲ ସଂଲଗ୍ନ ରାସ୍ତାରେ ବେଆଇନ ଜବରଦଖଲକୁ ଉଚ୍ଛେଦ କରାଯାଇଛି । ଜିଲ୍ଲା ପ୍ରଶାସନ ତଥା ବାରିପଦା ପୌରପାଳିକାର ମିଳିତ ପ୍ରୟାସରେ ଉଚ୍ଛେଦ କାର୍ଯ୍ୟ ଜାରି ରହିଛି ।
ପିଆରଏମ ହସ୍ପିଟାଲ ସଂଲଗ୍ନ ରାସ୍ତା ଜବରଦଖଲ ଉଚ୍ଛେଦ
ଜବରଦଖଲକାରୀ ଦୋକାନୀଙ୍କ ପାଇଁ ରାସ୍ତାଟି ଅଣ ଓସାରିଆ ହୋଇଯିବା ସହ ଆମ୍ବୁଲାନ୍ସଟିଏ ଯିବାକୁ ମଧ୍ୟ ରାସ୍ତାରେ ଅପେକ୍ଷା କରିବାକୁ ପଡୁଥିଲା । ଜଣେ ଜରୁରୀ ଚିକିତ୍ସା ଦରକାର କରୁଥିବା ରୋଗୀକୁ ପିଆରଏମ ହସ୍ପିଟାଲକୁ ନେବା ଆଣିବାକୁ ୟାତାୟତରେ ବହୁ ସମସ୍ୟା ସୃଷ୍ଟି ହେଉଥିଲା । କହିବାକୁ ଗଲେ ହସ୍ପିଟାଲ ସଂଲଗ୍ନ ଏହି ରାସ୍ତାଟି ଉଠା ଦୋକାନୀ ତଥା ବେଆଇନ ଗାଡିମଟର ପାର୍କିଂସ୍ଥଳ ଭାବେ ପରିଣତ ହୋଇଥିଲା ।