ରାଇରଙ୍ଗପୁର: କୂଅରୁ ଦିବ୍ୟାଙ୍ଗ ବୃଦ୍ଧଙ୍କ ମୃତଦେହ ଉଦ୍ଧାର । ଏପରି ଏକ ଅଭାବନୀୟ ଘଟଣା ଦେଖିବାକୁ ମିଳିଛି ମୟୂରଭଞ୍ଜ ଜିଲ୍ଲା ରାଇରଙ୍ଗପୁର ଟାଉନ ଥାନା ଅନ୍ତର୍ଗତ ବଳଭଦ୍ରପୁର ଗ୍ରାମରେ। ଗ୍ରାମରେ ଥିବା ଏକ କୂଅରେ ଧୋତି ସାହାଯ୍ୟରେ ଫାଶୀ ଲଗାଇ ବୃଦ୍ଧ ଜଣକ ଝୁଲିଥିବାବେଳେ ଧୋତି ଛିଣ୍ଡି ଯାଇ ବୃଦ୍ଧ ଜଣକ କୂଅରେ ବୁଡ଼ି ଯାଇ ମୃତ୍ୟୁବରଣ କରିଥିଲେ। କୂଅରେ ମୃତଦେହ ପଡ଼ିଥିବା ଦେଖି ଗାଁ ଲୋକେ ପୋଲିସକୁ ଖବର ଦେବାରୁ ରାଇରଙ୍ଗପୁର ଟାଉନ ଥାନା ପୋଲିସ ଓ ଅଗ୍ନିଶମ ବିଭାଗ ଘଟଣାସ୍ଥଳରେ ପହଞ୍ଚି ମୃତଦେହକୁ ଉଦ୍ଧାର କରିଥିଲେ। ମୃତ ବୃଦ୍ଧ ଜଣକ ସେହି ଗ୍ରାମର ୭୨ ବର୍ଷ ବୟସ୍କ ଶିବ ଚରଣ ମହାନ୍ତ ବୋଲି ଜଣାପଡିଛି ।
କୂଅରୁ ଦିବ୍ୟାଙ୍ଗ ବୃଦ୍ଧଙ୍କ ମୃତଦେହ ଉଦ୍ଧାର, ହତ୍ୟା ସନ୍ଦେହ