ମୟୂରଭଞ୍ଜ : ପୋଖରୀରୁ ନିଖୋଜ ଯୁବକଙ୍କ ମୃତଦେହ ଉଦ୍ଧାର । ଏହା ଆତ୍ମହତ୍ୟା ନୁହେଁ ହତ୍ୟା ବୋଲି ପରିବାର ଲୋକ ଅଭିଯୋଗ ଆଣିଛନ୍ତି । ଏଭଳି ଘଟଣା ଦେଖିବାକୁ ମିଳିଛି ମୟୂରଭଞ୍ଜ ଜିଲ୍ଲା ଖୁଣ୍ଟା ଥାନା ମହୁଲଡିହି ଗ୍ରାମରେ ।
ଗତ ବୁଧବାର ଠାରୁ ଖୁଣ୍ଟା ଥାନା ଗଡସାହି ଗ୍ରାମର ଶରଣେଶ୍ବର ପାତ୍ର ବ୍ୟାଙ୍କ କାମରେ ଯାଇଥିଲେ । ହେଲେ ଆଉ ଘରକୁ ଫେରିନଥିଲେ । ପରିବାର ଲୋକେ ଅନେକ ଖୋଜାଖୋଜି କରିବା ପରେ ମଧ୍ୟ ତାଙ୍କର ପତ୍ତା ପାଇ ନଥିଲେ । ଶୁକ୍ରବାର ସକାଳେ ମହୁଲଡିହି ରାସ୍ତାପାର୍ଶ୍ବ ଏକ ପୋଖରୀରେ ତାଙ୍କର ମୃତଦେହ ପଡିଥିବା ପରିବାର ଲୋକେ ଦେଖିଥିଲେ । ପରେ ଏନେଇ ଖୁଣ୍ଟା ଥାନାକୁ ଜଣାଇବା ପରେ ପୋଲିସ୍ ଘଟଣାସ୍ଥଳରେ ପହଞ୍ଚି ମୃତଦେହ ଜବତ କରିବା ସହିତ ବ୍ୟବଚ୍ଛେଦ ପାଇଁ ପଠାଇଛି ।
ଭିଡିଓ ସୌଜନ୍ୟ : ସମ୍ବାଦଦାତା,ମୟୂରଭଞ୍ଜ