କ୍ଷତାକ୍ତ ମୃତ ହରିଣକୁ ଉଦ୍ଧାର କଲା ମଣଦା ବନବିଭାଗ

ରାଇରଙ୍ଗପୁର ବନଖଣ୍ଡ ମଣଦା ରେଞ୍ଜ ଅନ୍ତର୍ଗତ କାଶିଡିହି ଗ୍ରାମକୁ ଦୁଇଟି ହରିଣ ପଶି ଆସିଥିବା ବେଳେ ଗତକାଲି(ଶୁକ୍ରବାର) ଗୋଟିଏ କ୍ଷତାକ୍ତ ମୃତ ହରିଣକୁ ଉଦ୍ଧାର କରିଛି ମଣଦା ବନବିଭାଗ। ଅଧିକ ପଢନ୍ତୁ...

ରାଇରଙ୍ଗପୁର: କ୍ଷତାକ୍ତ ମୃତ ହରିଣକୁ ଉଦ୍ଧାର କଲା ମଣଦା ବନବିଭାଗ । ସୂଚନାମୁତାବକ, ମୟୂରଭଞ୍ଜ ରାଇରଙ୍ଗପୁର ବନଖଣ୍ଡ ମଣଦା ରେଞ୍ଜ ଅନ୍ତର୍ଗତ କାଶିଡିହି ଗ୍ରାମକୁ ଦୁଇଟି ହରିଣ ପଶି ଆସିଥିବାର ଖବର ମିଳିଥିଲା । ତେବେ କୌଣସି ଶିକାରୀ ଗୋଟିଏ ହରିଣକୁ ମାରି ଦେଇଥିବା ବେଳେ ଅନ୍ୟ ଗୋଟିଏ ହରିଣର ପତ୍ତା ମିଳିନାହିଁ । ସେପଟେ ଜଙ୍ଗଲରେ ଲାଗିଥିବା ନିଆଁ ଯୋଗୁଁ ହରିଣ ଦୁଇଟି ନିକଟସ୍ଥ ଗ୍ରାମକୁ ପଳେଇ ଆସିଥିବା ଅନୁମାନ କରାଯାଉଛି।

ଏନେଇ ବନବିଭାଗ ପାଖରେ କୌଣସି ଖବର ନାହିଁ ବୋଲି ମଣଦା ବନବିଭାଗ ପକ୍ଷରୁ ସୂଚନା ମିଳିଛି । ତେବେ ଘଟଣାର ସତ୍ୟାସତ୍ୟ ଓ ତଦନ୍ତ ପାଇଁ ପରିବେଶବିତ ଓ ବୁଦ୍ଧିଜୀବୀମାନେ ଦାବି କରିଛନ୍ତି।

ରାଇରଙ୍ଗପୁରରୁ ସଞ୍ଜୟ କୁମାର ପରିଡ଼ା, ଇଟିଭି ଭାରତ