ରାଇରଙ୍ଗପୁର: ମୟୂରଭଞ୍ଜ ଜିଲ୍ଲା ତିରିଂ ଥାନା ଅନ୍ତର୍ଗତ ଝରାଡିହି ହାଟ ପରିସରରୁ ଜଣେ ବୃଦ୍ଧଙ୍କ ମୃତଦେହ ଉଦ୍ଧାର କରାଯାଇଛି । ମୃତ ବୃଦ୍ଧଙ୍କ ଆନୁମାନିକ ବୟସ ପ୍ରାୟ ୬୦ ରୁ ୬୫ ବର୍ଷ ମଧ୍ୟରେ ହୋଇଥିବାର ଅନୁମାନ କରାଯାଉଛି।
ଶୁକ୍ରବାର ଅପରାହ୍ନ ପାଖାପାଖି ୪ଟା ସମୟରେ ତାଙ୍କ ମୃତଦେହ ପଡ଼ିଥିବାର ସ୍ଥାନୀୟ ଲୋକେ ଝରାଡିହି ଫାଣ୍ଡିରେ ସୂଚନା ଦେଇଥିଲେ । ଫାଣ୍ଡି ଅଧିକାରୀ ଅନୁପସ୍ଥିତ ଥିବାରୁ ମୃତଦେହ ଉଦ୍ଧାର ହୋଇ ପାରିନଥିଲା । ଶନିବାର ସକାଳ ୯ ଟାରେ ତିରିଂ ପୋଲିସ ଦ୍ବାରା ମୃତଦେହ ଉଦ୍ଧାର କରାଯାଇ ବ୍ୟବଚ୍ଛେଦ ପାଇଁ ରାଇରଙ୍ଗପୁର ଉପଖଣ୍ଡ ଚିକିତ୍ସାଳୟକୁ ପଠାଯାଇଛି । ବୃଦ୍ଧଙ୍କ ପରିଚୟ ମିଳିପାରିନଥିବା ବେଳେ ସେ ଝରାଡିହି ବଜାରର ବିଭିନ୍ନ ଜଳଖିଆ ଦୋକାନରେ କାମ କରି ଗୁଜୁରାଣ ମେଣ୍ଟାଉଥିବା ଜଣାପଡିଛି ।
ଭିଡିଓ ସୌଜନ୍ୟ: ପ୍ରତିନିଧି, ରାଇରଙ୍ଗପୁର