ରାଇରଙ୍ଗପୁର: ପୋଖରୀରୁ ଯୁବକଙ୍କ ମୃତଦେହ ଉଦ୍ଧାର ହୋଇଛି । ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ ଜାରି ରଖିଛି । ଯୁବକଙ୍କୁ ହତ୍ୟା କରାଯାଇଥିବା ସନ୍ଦେହ କରାଯାଉଛି । ଏପରି ଘଟଣା ଦେଖିବାକୁ ମିଳିଛି ମୟୁରଭଞ୍ଜ ଜିଲ୍ଲା ତିରିଂ ଥାନା ଅନ୍ତର୍ଗତ ସୁରୁଦା ଗାଁରେ । ସୂଚନା ଅନୁସାରେ,ଗାଁ ନିକଟରେ ଏକ ପୋଖରୀରେ ମୃତଦେହ ଭାସୁଥିବାର ଗାଁଲୋକେ ଦେଖିବାକୁ ପାଇଥିଲେ । ପରେ ପୋଲିସକୁ ଖବର ଦେଇଥିଲେ ।
ପୋଖରୀରୁ ଯୁବକଙ୍କ ମୃତଦେହ ଉଦ୍ଧାର, ହତ୍ୟା ସନ୍ଦେହ ପୋଲିସ ଘଟଣାସ୍ଥଳର ପହଞ୍ଚି ମୃତଦେହ ଉଦ୍ଧାର କରି ବ୍ୟବଚ୍ଛେଦ ପାଇଁ ରାଇରଙ୍ଗପୁର ଡାକ୍ତରଖାନାକୁ ପଠାଇଥିଲା। ମୃତକ ଜଣକ ସେହି ଗାଁର ତାର୍ଜନ ମୁଣ୍ଡା ବୋଲି ଜଣାପଡିଛି । ତେବେ ତାର୍ଜନ ଗତକାଲି(ଶୁକ୍ରବାର) ଠାରୁ ନିଖୋଜ ରହିଥିଲେ । ହେଲେ ଆଜି( ଶନିବାର) ଗଡ଼ିଆରେ ତାଙ୍କ ମୃତଦେହ ମିଳିଥିଲା। ଏହା ଏକ ହତ୍ୟା ଘଟଣା ବୋଲି ସାଧାରଣରେ ଚର୍ଚ୍ଚା ହେଉଥିବା ବେଳେ ଶବ ବ୍ୟବଚ୍ଛେଦ ରିପୋର୍ଟ ଆସିବା ପରେ ହିଁ ଘଟଣାର ସତ୍ୟାସତ୍ୟ ଜଣାପଡ଼ିବ।
ରାଇରଙ୍ଗପୁରରୁ ସଞ୍ଜୟ ପରିଡା, ଇଟିଭି ଭାରତ
