ରାଇରଙ୍ଗପୁର: ଅତିରିକ୍ତ ଆଞ୍ଚଳିକ ପରିବହନ କାର୍ଯ୍ୟାଳୟରେ ଚଢାଉ । ଦଲାଲ ଗିରଫ । ପୋଲିସର ଅଚାନକ ଚଢାଉ ବେଳେ ଦଲାଲ ଧରାପଡିଛି । ତାଙ୍କ ନିକଟରୁ ବିଭିନ୍ନ ବ୍ୟବହୃତ ଫର୍ମ ଓ ନଗଦ 49 ହଜାର ଟଙ୍କା ଜବତ କରିଛି ପୋଲିସ ।
RTO ଅଫିସରୁ ଦଲାଲ ଗିରଫ, ନଗଦ 49 ହଜାର ଟଙ୍କା ଜବତ
ମୟୂରଭଞ୍ଜ ଜିଲ୍ଲା ରାଇରଙ୍ଗପୁର ଅତିରିକ୍ତ ଆଞ୍ଚଳିକ ପରିବହନ କାର୍ଯ୍ୟାଳୟରେ ଦିନକୁ ଦିନ ଦଲାଲଙ୍କ ଦୌରାତ୍ମ୍ୟ ବୃଦ୍ଧି ପାଇବାରେ ଲାଗିଛି । କୌଣସି ସୂତ୍ରରୁ ସୂଚନା ପାଇ ରାଇରଙ୍ଗପୁର ମଡେଲ ଟାଉନ ପୋଲିସ ପକ୍ଷରୁ ଚଢ଼ାଉ କରାଯାଇଥିଲା । ଟାଉନ ପୋଲିସ ଜଣେ ଯୁବକଙ୍କୁ ଦଲାଲି କାର୍ଯ୍ୟରେ ଲିପ୍ତ ଥିବାବେଳେ ଧରିଥିବା ଜଣାପଡ଼ିଛି।