ରାଇରଙ୍ଗପୁର:ମୟୂରଭଞ୍ଜ ଜିଲ୍ଲା ବିଶୋଇ ଥାନା ଅନ୍ତର୍ଗତ ଜାମିରଡିହା ଗ୍ରାମ ନିକଟରେ ମଙ୍ଗଳବାର ଏକ ଦୁର୍ଘଟଣା ଘଟିଛି । ଏହି ଦୁର୍ଘଟଣାରେ ଭାରସାମ୍ୟ ହରାଇ ଗଛରେ କାରଟି ପିଟି ହେବା ପରେ ଦମ୍ପତି ଗୁରୁତର ଆହତ ହୋଇଛନ୍ତି ।
ଭାରସାମ୍ୟ ହରାଇ ଗଛରେ ପିଟି ହେଲା କାର, ଦମ୍ପତ୍ତି ଗୁରୁତର
ଗୁରୁତର ଦମ୍ପତି ହେଲେ କିଚକେଶ୍ବର ଗିରି ଓ ତାଙ୍କ ପତ୍ନୀ ଲଷ୍ମୀପ୍ରିୟା ଗିରି। ଦମ୍ପତି ଦୁଇଜଣ ବାରିପଦାରୁ ହାଟବାଦଡା ସ୍ଥିତ ଘରକୁ ଏକ କାର ଯୋଗେ ଫେରୁଥିବା ବେଳେ ଜାମିରଡ଼ିହା ଆଦର୍ଶ ବିଦ୍ୟାଳୟ ନିକଟରେ ଭାରସାମ୍ୟ ହରାଇବାରୁ କାରଟି ଗଛରେ ପିଟି ହୋଇଥିଲା । ଘଟଣାସ୍ଥଳରେ ଜିଲ୍ଲା ଜୁନିଅର ରେଡକ୍ରସ ଅଧିକାରୀ ସ୍ମୃତି ରଞ୍ଜନ ପାଣି ଓ କିଛି ସ୍ଥାନୀୟ ଲୋକେ ସେମାନଙ୍କୁ କାରରୁ ଉଦ୍ଧାର କରି ରାଇରଙ୍ଗପୁର ଡାକ୍ତରଖାନାକୁ ପଠାଇଥିଲେ।