ରାଇରଙ୍ଗପୁର: ଜୁଆ ଖେଳି ଲକ୍ଷାଧିକ ଟଙ୍କା ହାରି ଆତ୍ମହତ୍ୟା କଲେ ଠିକାଦାର । ରାତାରାତି ଅଧିକ ଅର୍ଥ ରୋଜଗାର କରିବା ନିଶା ଯେ କେତେ ଭୟଙ୍କର ହୋଇପାରେ ତାହାର ଜ୍ବଳନ୍ତ ଉଦାହରଣ ଦେଖିବାକୁ ମିଳିଛି ମୟୂରଭଞ୍ଜ ଜିଲ୍ଲା ବହଳଦା ଥାନା ଅନ୍ତର୍ଗତ ଦୁନ୍ଦୁ ଗ୍ରାମରେ।
ଜୁଆ ଖେଳରେ ହାରି ଠିକାଦାରଙ୍କ ଆତ୍ମହତ୍ୟା
ସୁଦୂର ପଶ୍ଚିମବଙ୍ଗର ମୁର୍ଶିଦାବାଦରୁ ଅର୍ଥ ରୋଜଗାର ପାଇଁ ଅନିଉଲ ଶେଖ୍ ଧାଇଁ ଆସିଥିଲେ ମୟୂରଭଞ୍ଜ ବହଳଦାକୁ। ରାଜମିସ୍ତ୍ରୀ କାମ କରିବା ସହିତ ନିଜେ ଠିକାଦାର ପାଲଟି ଯାଇଥିଲେ ଅନିଉଲ । ଅଞ୍ଚଳରେ ସରକାରୀ, ବେସରକାରୀ କୋଠା ନିର୍ମାଣ କରି ବେଶ ଟଙ୍କା ରୋଜଗାର କରୁଥିଲେ ସେ। କିନ୍ତୁ ଅଧିକ ଅର୍ଥ ଓ ରାତାରାତି କୋଟିପତି ହେବା ନିଶାରେ ନିଜର ଜୀବନ ଦେବାକୁ ପଡିଲା ଅନିଉଲଙ୍କୁ।