ଏଟିଏମରେ ପରିସ୍ରା କରି ନିଲମ୍ବିତ ହେଲେ ନିଶାଶକ୍ତ କନେଷ୍ଟବଳ

ଏଟିଏମରେ ପରିସ୍ରା କରିଥିବା ନିଶାଶକ୍ତ କନେଷ୍ଟବଳ ସମୀର ସେଠୀଙ୍କୁ ନିଲମ୍ବିତ କରିଛନ୍ତି ମୟୂରଭଞ୍ଜ ଏସପି। । ପରିସ୍ରା କରୁଥିବା କନେଷ୍ଟବଳଙ୍କ ଭାଇରଲ ଭିଡିଓ ମୟୂରଭଞ୍ଜ ଏସପିଙ୍କ ଦୃଷ୍ଟିଗୋଚର ହେବାପରେ କଡା କାର୍ଯ୍ୟାନୁଷ୍ଠାନ ଗ୍ରହଣ କରିଛନ୍ତି ।

ବାରିପଦା: ଏଟିଏମକୁ ପରିସ୍ରାଗାର ଭାବି ପରିସ୍ରା କରିଥିବା ନିଶାଶକ୍ତ କନେଷ୍ଟବଳକୁ ନିଲମ୍ବିତ କରିଛନ୍ତି ମୟୂରଭଞ୍ଜ ଏସପି। । ଗତ କିଛିଦିନ ତଳେ ମୟୂରଭଞ୍ଜ ଜିଲ୍ଲା ବାରିପଦା ସହରର ମ୍ୟୁନିସିପାଲଟି ନିକଟରେ ଥିବା ଏଟିଏମରେ ନିଶାଶକ୍ତ ଅବସ୍ଥାରେ ପୋଲିସ କନେଷ୍ଟବଳ ସମୀର ସେଠୀ ପରିସ୍ରା କରୁଥିବାର ଏକ ଭିଡିଓ ଭାଇରଲ ହୋଇଥିଲା।

ଭାଇରଲ ଭିଡିଓ ଏସପିଙ୍କ ଦୃଷ୍ଟିଗୋଚର ହେବାପରେ କଡା କାର୍ଯ୍ୟାନୁଷ୍ଠାନ ଗ୍ରହଣ କରି କନେଷ୍ଟବଳଙ୍କୁ ସସ୍‌ପେଣ୍ଡ କରିଛନ୍ତି । କନେଷ୍ଟବଳ ସମୀର ସେଠୀ ବାରିପଦା ରିଜର୍ଭରେ କାର୍ଯ୍ୟରତ ଥିଲେ।

ମୟୂରଭଞ୍ଜରୁ ମୃତଞ୍ଜୟ ସେନାପତି, ଇଟିଭି ଭାରତ