ବାରିପଦା: ଟାଉନା ଥାନା ତକତପୁର ଅଞ୍ଚଳରେ ଗୋଷ୍ଠୀ ସଂଘର୍ଷ । ଦୁଇ ଗୋଷ୍ଠୀଙ୍କ ମଧ୍ୟରେ ମାରପିଟ ଛୁରାମାଡରେ ୪ ଆହତ ହୋଇଥିବା ବେଳେ ଦୁଇ ଗୁରୁତର ଆହତ ହୋଇ ପିଆରଏମ ମେଡିକାଲରେ ଭର୍ତ୍ତି ହୋଇଛନ୍ତି । ଅନ୍ୟପକ୍ଷେ ଅଭିଯୁକ୍ତକୁ ଗିରଫ ଦାବିରେ ୧୮ ନମ୍ବର ଜାତୀୟ ରାଜପଥକୁ 2 ଘଣ୍ଟା ଧରି ଅବରୋଧ କରାଯାଇଛି ।
ବାରିପଦାରେ ଗୋଷ୍ଠୀ ସଂଘର୍ଷ
ସୂଚନାମୁତାବକ, ଗତ ୧୩ ତାରିଖରେ ବାରିପଦା ସହରର କାଳିଆଛକ ନିକଟରେ କୌଣସି କାରଣକୁ ନେଇ ଉଭୟ ଗୋଷ୍ଠୀ ମଧ୍ୟରେ ଗଣ୍ଡଗୋଳ ହୋଇଥିଲା ଏବଂ ଏହି ଘଟଣାରେ ସଂଘବଦ୍ଧ ଭାବେ ଗୋଟିଏ ଗୋଷ୍ଠୀ ଅନ୍ୟ ଗୋଷ୍ଠୀର ଜଣେ ଯୁବକକୁ କୁରାଢିରେ ଛେଚି ଲହୁଲୁହାଣ କରିଦେଇଥିଲେ । ଉକ୍ତ ଯୁବକକୁ ବାରିପଦା ଡାକ୍ତରଖାନାରେ ଭର୍ତ୍ତି କରାଯାଇଥିଲା । ଗୁରୁତର ଭାବେ ଆହତ ହୋଇଥିବା ଯୁବକମାନେ ହେଲେ ବିଦୁ କିସ୍କୁ , ମାଟୁ ମାରାଣ୍ଡି । ଏହି ଯୁବକ ଦୁଇ ଆଦିବାସୀ ସମ୍ପ୍ରଦାୟର ହୋଇଥିବାରୁ ସ୍ଥାନୀୟ ଆଦିବାସୀ ମାନେ ଏହି ଘଟଣାକୁ ଗୁରୁତର ସହ ନେବା ସହ ବିରୋଧ ପ୍ରଦର୍ଶନ କରାଯାଇଥିଲା ।