ରାଇରଙ୍ଗପୁର:ଅଜ୍ଞାନର ଅନ୍ଧାରରୁ ଜ୍ଞାନର ଆଲୋକକୁ ଯିଏ ଘେନି ଯାଆନ୍ତି, ତାଙ୍କୁ ଗୁରୁ ବା ଶିକ୍ଷକ କହନ୍ତି । କିନ୍ତୁ ବର୍ତ୍ତମାନ ସମୟରେ ଯେ କିଛି ଶିକ୍ଷକ ରାକ୍ଷସ ପାଲଟି ଯାଉଛନ୍ତି ତାହାର ଜ୍ଵଳନ୍ତ ଉଦାହରଣ ଦେଖିବାକୁ ମିଳିଛି ଠାକୁରମୁଣ୍ଡା ବ୍ଲକ ଖଣ୍ଡବନ୍ଧ ଗ୍ରାମପଞ୍ଚାୟତରେ । ଜିଲ୍ଲାରେ ପୁଣି ଜଣେ ଛାତ୍ରୀଙ୍କୁ ଗର୍ଭବତୀ ହୋଇଥିବା ଘଟଣା ସାମ୍ନାକୁ ଆସିଛି । ଜଣେ ନବମ ଶ୍ରେଣୀ ପଢୁଥିବା ଛାତ୍ରୀଙ୍କୁ ଟିଉସନ ସାର ଗର୍ଭବତୀ କରାଇଥିବା ନେଇ ଠାକୁରମୁଣ୍ଡା ଥାନାରେ ଅଭିଯୋଗ ହୋଇଛି ।
ଏହା ମଧ୍ୟ ପଢ଼ନ୍ତୁ:ଶୈଶବରୁ ବାପାଙ୍କ ଅଧୁରା ସ୍ବପ୍ନ ପୂରଣ କରିବାକୁ ସଂକଳ୍ପ, ୩୫ କିମି ଦୌଡ଼ିଲେ ତିନି ଶିଶୁ ଧାବକ
ସୂଚନା ଅନୁଯାୟୀ, ଶିକ୍ଷକ ଜଣକ ହେଉଛନ୍ତି ମୟୁରଭଞ୍ଜ ଜିଲ୍ଲା ଠାକୁରମୁଣ୍ଡା ବ୍ଲକ ଖଣ୍ଡବନ୍ଧ ଗ୍ରାମପଞ୍ଚାୟତର ରବିନ୍ଦ୍ର କୁମାର ମହାନ୍ତ । ସେ କେନ୍ଦୁଜିଆଣୀ ଗ୍ରାମପଞ୍ଚାୟତ ଅନ୍ତର୍ଗତ ଜଡିବିଲ ଉଚ୍ଚ ବିଦ୍ୟାଳୟରେ ଶିକ୍ଷକତା କରନ୍ତି । ସମୟ କ୍ରମେ ରବୀନ୍ଦ୍ର ନିଜ ଗ୍ରାମର କିଛି ଛାତ୍ରଛାତ୍ରୀଙ୍କୁ ନେଇ ଟିଉସନ ଆରମ୍ଭ କରିଥିଲେ । ଉକ୍ତ ଟିଉସନରେ ଠାକୁରମୁଣ୍ଡା ଥାନା ଅଧୀନସ୍ଥ ଏକ ଅଞ୍ଚଳର ଜନୈକ ନବମ ଶ୍ରେଣୀର ଛାତ୍ରୀ ମଧ୍ୟ ଟିଉସନ ପଢିବାକୁ ଆସୁଥିଲେ । ତେବେ ଶିକ୍ଷକ ରବୀନ୍ଦ୍ର ଉକ୍ତ ନାବାଳିକାକୁ ବିଭିନ୍ନ ପ୍ରଲୋଭନ ତଥା ଧମକଚମକ ଦେଇ ଦୁଷ୍କର୍ମ କରିଥିବା ନେଇ ନାବାଳିକା ଜଣକ ଅଭିଯୋଗ କରିଛନ୍ତି ।