ବାରିପଦା: ସିବିଆଇ ଜାଲରେ ମୟୂରଭଞ୍ଜ ଜିଲ୍ଲାର 2 ଆରପିଏଫ ଅଧିକାରୀ । ବାରିପଦା ରେଲୱେ ସ୍ଥାନରେ ଢ଼ାବା ଚଲାଉଥିବା ବ୍ୟବସାୟୀ ଜୟନ୍ତ ମହାନ୍ତିଙ୍କ ଠାରୁ 10 ହଜାର ଟଙ୍କା ଲାଞ୍ଚ ନେଉଥିବା ବେଳେ ସିବିଆଇ ହାତରେ ଧରାପଡିଥିଲେ 2 ଲାଞ୍ଚୁଆ ରେଲୱେ ପୋଲିସ । ସେମାନେ ହେଲେ ବାରିପଦା ଆରପିଏଫ ଥାନାର ଇନିସପେକ୍ଟର ଅମୀତ କୁମାର ଏବଂ ରେଲୱେ କନେଷ୍ଟବଳ ପ୍ରମୋଦ ମାରାଣ୍ଡି ।
ଭିଡିଓ ସୌଜନ୍ୟ: ସମ୍ବାଦଦାତା, ମୟୂରଭଞ୍ଜ
ବାରିପଦାରୁ ବାଙ୍ଗରିପୋଷି ଷ୍ଟେସନ ନିକଟରେ ଥିବା ରେଲୱେ ସ୍ଥାନରେ ବେଆଇନ ଭାବେ ଦୋକାନ କରୁଥିବା ବ୍ୟବସାୟଙ୍କ ଠାରୁ 3 ରେଲୱେ ପୋଲିସ ମାସକୁ ମାସ ବଟି ନେଉଥିଲେ । ସିବିଆଇ ନିକଟରେ ଏଭଳି ଅଭିଯୋଗ କରିଥିଲେ ବ୍ୟବସାୟୀ ଜୟନ୍ତ ମହାନ୍ତି । ଅଭିଯୋଗ କ୍ରମେ ବୁଧବାର ସିବିଆଇର 20 ଜଣିଆ ଟିମ ରେଲୱେ ଷ୍ଟେସନ ନିକଟରେ ଥିବା ଢ଼ାବାରେ ଲାଞ୍ଚ କାରବାର ହେଉଥିବା ସମୟରେ ଚଢାଉ କରିଥିଲା ।