ରାଇରଙ୍ଗପୁର:NDA ରାଷ୍ଟ୍ରପତି ପ୍ରାର୍ଥୀ ଦ୍ରୌପଦୀ ମୁର୍ମୁଙ୍କ ବିରୋଧରେ ବିବାଦୀୟ ଟିପ୍ପଣୀ ଦେଇ ଅଡୁଆରେ ପଡିଛନ୍ତି ଫିଲ୍ମ ନିର୍ମାତା ରାମ ଗୋପାଳ ବର୍ମା । ଏନେଇ ତାଙ୍କ ବିରୋଧରେ ବିଭିନ୍ନ ଥାନାରେ ମାମଲା ରୁଜୁ ହେବା ସହ ଗିରଫଦାରୀ ଦାବି କରାଯାଉଛି । ଏହି ପରିପ୍ରେକ୍ଷୀରେ ଆଜି(ମଙ୍ଗଳବାର) ରାଇରଙ୍ଗପୁର ବିଜେପି ପକ୍ଷରୁ ମଧ୍ୟ ଟାଉନ ଥାନାରେ ଏତଲା ଦିଆଯାଇଛି । ଆଦିବାସୀ ମହିଳା, ଯିଏକି ଭାରତର ସର୍ବୋଚ୍ଚ ପଦ ପାଇଁ ପ୍ରାର୍ଥୀ ହୋଇଛନ୍ତି ତାଙ୍କ ଉଦ୍ଦେଶ୍ୟରେ ବିବାଦୀୟ ଟିପ୍ପଣୀ ଦେଇ ସେ ତାଙ୍କୁ ଅପମାନିତ କରିଥିବା ବିଜେପି କହିଛି । ''ଏପରି ଅଶାଳୀନ ଟିପ୍ପଣୀକୁ କଦାପି ବରଦାସ୍ତ କରାଯିବ ନାହିଁ । ତାଙ୍କୁ ଯଥାଶୀଘ୍ର ଗିରଫ କରାଯାଉ । ନଚେତ୍ ଆଗାମୀ ଦିନରେ ଦଳ ରାଜରାସ୍ତାକୁ ଓହ୍ଲାଇବ'' ବୋଲି ବିଜେପି ପକ୍ଷରୁ ଚେତାବନୀ ଦିଆଯାଇଛି ।
ଅଡୁଆରେ ରାମ ଗୋପାଳ ବର୍ମା, ଜୋର ଧରିଲା ଗିରଫଦାରୀ ଦାବି